Ducado de Prusia

Na Galipedia, a Wikipedia en galego.
Saltar ata a navegación Saltar á busca
Herzogtum Preußen
Ducado de Prusia

15251618
Bandeira Escudo
Capital Königsberg
Lingua alemán, polaco, prusiano
Goberno Monarquía
Período histórico Idade Moderna
 • Creación do ducado 1525
 • Unión coa marca de Brandeburgo 27 de agosto de 1618
 • Independencia 21 de febreiro de 1618

O Ducado de Prusia foi un Estado fundado en 1525 na parte oriental da rexión histórica de Prusia, cado o gran Mestre da Orde, Albert de Hohenzollern se converteu ao protestantismo, secularizou a Orde e se transformou no primeiro Duque de Prusia, vasalo de Polonia.

O ducado persistitu até que, despois de 1618, a liña sucesoria dos duques se extinguira, pasando a propiedade dos seus estados aos seus parentes os Hohenzollern de Brandeburgo, que uniron ambos os Estados (o Ducado e a Marca de Brandeburgo, cuxa unión formou en 1701 o Reino de Prusia, desvinculado xa de calquera relación feudal con Polonia.

Historia[editar | editar a fonte]

Fundación do ducado[editar | editar a fonte]

A fundación do ducado de Prusia foi o resultado dunha negociación emprendida, co asesoramento de Martiño Lutero, por Albert de Brandenburgo-Ansbach, trixésimo sétimo Gran Mestre da Orde Teutónica, para salvar as posesións do Estado Teutónico que el dirixía. Albert entón negociou con Sexismundo I de Polonia, que era, ademais, o seu tío, un acordo que lle permitiu converterse á relixión luterá e secularizar Estado dos cabaleiros teutónicos.

A homenaxe prusiana, óleo sobre tea de Jan Matejko (1882), Museo Nacional de Cracovia.
Sexismundo I de Polonia, rei de Polonia-Lituania, deu en feudo o Ducado de Prusia a Albert de Brandeburgo-Ansbach en 1525.

En contrapartida, o territorio que quedou nas mans da Orde, en virtude do tratado de Toruń de 1466, transformáronse no ducado hereditario de Prusia, vasalo do Reino de Polonia.

O 5 de abril de 1525 asinouse o tratado de Cracovia entre o Ducado e o Reino de Polonia. A capital do ducado foi situada en Königsberg. Este tratado significou a secularización máis significativa dun estado monástico naquela época.

Este acordo dei lugar á ruptura coa Orde de Livonia, que era unha Orde independente dentro da teutónica e a perda dos territorios do norte (actuais Estonia e Letonia).

Ademais, Albert de Brandenburgo foi convocado perante a xustiza polo Tribunal Imperial, pero non se presentou. En consecuencia, foi expulsado do Sacro Imperio Romano Xermánico.

Pero os príncipes alemáns, moi preocupados polo tumulto da Reforma, a rebelión dos campesiños (Bauernkrieg) e as guerras contra o Imperio otomán, non aplicaron a proscrición e o enoxo contra el decaeu en pouco tempo.

Un ducado de existencia fráxil e curta[editar | editar a fonte]

O Ducado de Prusia (raiado) durante a segunda metade do século XVI. A parte en rosa é a Prusia real, pertencente ao Reino de Polonoia.

Os primeiros anos do reinado de Albert de Brandenburgo foron prósperos. Aínda que tivo algúns problemas co campesiñado, as terras e os tesouros da Igrexa permitíronlle afrontar os gastos da súa corte.

Promocionou o estudo mediante a creación de escolas en cada vila do ducado, liberou aos servos da servidume e fixo imprimir en alemán o catecismo protestante. En 1544, pese a unha oposición, fundou a Universidade Albertina de Königsberg.

Pero os conflitos relixiosos es políticos internos minmaron a saúde de Albert de Brandeburgo, que foi obrigado a renunciar ao poder. O seu fillo Albert Friedrich, sendo aínda menor de idade, tivo que elixir un rexente.

Albert morreu a causa da peste en Tapiau o 20 de marzo de 1568.

Unión con Brandeburgo[editar | editar a fonte]

Polo tanto, Albert foi sucedido por Albert Friedrich. Este, que recibira unha boa educación, estaba sufrindo unha profunda alienación mental (loucura), e morreu o 27 de xuño de 1618, sen heredeiro varón.

Á morte do duque Albert Friedrich de Prusia, o ducado pasou ao seu xenro Xoán Sexismundo III de Brandenburgo, esposo de Ana de Prusia. Así, a marca de Brandeburgo e o ducado de Prusia formaron unha unión personal dinástica coñecida como Brandeburgo-Prusia.

Véxase tamén[editar | editar a fonte]

Bibliografía[editar | editar a fonte]

  • Bled, Jean-Paul (2007): Histoire de la Prusse. Paris; Fayard. ISBN 978-2-213-62678-9.
  • Koch, H. W. (1984): A History of Prussia. London: Longman. ISBN 0-582-48190-2.
  • MacDonogh, Giles (1994): Prussia. London: Sinclair-Stevenson. ISBN 1-85619-267-9.
  • Zayas, Alfred-Maurice de (1994): A Terrible Revenge: The Ethnic Cleansing of the East European Germans, 1944-1950. New York: St. Martin's Press. ISBN 0-312-12159-8.

Outros artigos[editar | editar a fonte]


Este artigo tan só é un bosquexo
 Este artigo sobre historia é, polo de agora, só un bosquexo. Traballa nel para axudar a contribuír a que a Galipedia mellore e medre.
 Existen igualmente outros artigos relacionados con este tema nos que tamén podes contribuír.