Drukair Corporation Limited (dzongkha: འབྲུག་མཁའ་འགྲུལ་ལས་འཛིན།), operando como Drukair - Royal Bhutan Airlines, é a aeroliña nacional do Reino de Bután, con base no dzongkhag occidental de Paro.
Foi fundada no ano 1981, dez anos despois de que o Druk GyalpoJigme Dorji Wangchuck comezase a abrir gradualmente o reino dun illamento autoimposto, e sete anos despois de recibir aos seus primeiros visitantes estranxeiros. A aeroliña comezou a operar en 1983 con voos dende Calcuta a Paro usando avións Dornier Do 228. En novembro de 1988 pasou a utilizar BAe 146-100 e, co obxectivo de satisfacer a crecente demanda, estes avións foron substituídos en 2004 por dous Airbus A319.
Drukair opera unha modesta rede de voos regulares dentro da rexión de Asia Meridional dende a súa base do aeroporto de Paro. En marzo de 2018 a aeroliña voaba a 13 destinos en seis países.[1]
