Dr. Dobb's Journal
| Dr. Dobb's Journal | |||||||||
|---|---|---|---|---|---|---|---|---|---|
| |||||||||
| |||||||||
| |||||||||
| |||||||||
| |||||||||
| |||||||||
| Wikidata | |||||||||
A Dr. Dobb's Journal (a miúdo abreviada como Dr. Dobb's ou DDJ)[1] foi unha publicación mensual publicada nos Estados Unidos polo UBM Technology Group, parte de UBM, que trataba temas dirixidos a programadores. Cando se lanzou en 1976, DDJ foi a primeira publicación periódica regular centrada no software de microordenadores, en lugar do hardware. Nos seus últimos anos de circulación, a revista distribuíase mensualmente en formato PDF, aínda que o seu contido estaba dispoñible principalmente a través do seu sitio web oficial. A revista deixou de publicarse a finais de 2014,[2] pero o sitio web arquivado segue dispoñible en liña.
Traxectoria
[editar | editar a fonte]
Bob Albrecht publicou o boletín informativo da People's Computer Company (PCC) en Menlo Park, California, en 1972. En 1975, Dennis Allison, profesor da Universidade Stanford, publicou as definicións e instrucións para implementar un intérprete de BASIC para microcomputadoras. Este intérprete, chamado Tiny BASIC, fíxose moi popular entre outros programadores e implementouse en moitos ordenadores.[3] Calquera podía recibir fotocopias do código fonte da versión desexada do programa, enviando un sobre con franqueo e enderezo.
A PCC publicou tres edicións especiais de Tiny BASIC en 1976 co título de Dr. Dobb's Journal of Tiny BASIC Calisthenics & Orthodontia. O nome Dobb provén dos nomes Don (Dennis) e Bob. Debido á súa gran popularidade e ás solicitudes de boletíns informativos, a publicación converteuse nunha revista regular, con Jim Warren como o seu primeiro editor xefe.[4]
O contido da publicación ampliouse e gran parte do material proviña de colaboradores voluntarios. O "Manifesto GNU" de Richard Stallman publicouse en DDJ en 1985.[5] A historia da revista tamén inclúe o lanzamento do sistema operativo 386BSD.[6]
Máis tarde, a revista consolidouse como unha publicación profesional, acadando sona e lectores internacionais. A versión impresa deixou de publicarse co número de febreiro de 2009. O sitio web actualizouse con novos contidos ata finais de 2014.[7]
Notas
[editar | editar a fonte]- ↑ "Dennis Allison". Britannica.com (en inglés).
later changed to Dr. Dobb’s Journal
- ↑ "Dr Dobb's Bites The Dust After 38 Years" (en inglés). 2014-12-17.
- ↑ Wang, Li-Chen (maio de 1976). "Palo Alto Tiny BASIC". Dr. Dobb's Journal of Computer Calisthenics & Orthodontia, Running Light Without Overbyte 1 (5): 12–25.. O código-fonte começa com as seguintes seis linhas:
TINY BASIC FOR INTEL 8080 VERSION 1.0 BY LI-CHEN WANG 10 JUNE, 1976 @COPYLEFT ALL WRONGS RESERVED
- ↑ "Jim Warren, Dr. Dobbs Journal, Silicon Gulch Gazette". InfoWorld (en inglés): 4. 1983-03-07.
- ↑ Stallman, Richard (marzo de 1985). "The GNU Manifesto". Dr. Dobb's Journal (en inglés) 10 (3): 30–34. Consultado o 2026-01-08.
- ↑ "386BSD". www.386bsd.org (en inglés). Consultado o 2023-11-24.
- ↑ Binstock, Andrew (2014-12-16). "Farewell, Dr. Dobb's". drdobbs.com (en inglés). Archived from the original on 07 de febreiro de 2015. Consultado o 2026-04-28.
