Don't Stop Me Now

Na Galipedia, a Wikipedia en galego.

"Don't Stop Me Now" (en galego «non me deteñas agora») é unha canción da banda de rock británica Queen, lanzada como sinxelo do álbum Jazz en 1978. É a canción número doce do álbum.[1]

A canción baséase no piano tocado por Freddie Mercury, mentres entraban a facer acompañamento Roger Taylor e John Deacon coa batería e o baixo respectivamente. Na versión de estudio, Brian May só intervén coa guitarra durante o solo, mentres que na versión en vivo que apareceu durante o Jazz Tour e o Crazy Tour, Brian May tocaba acordes para darlle un son máis inclinado cara ao rock.

Aínda que a canción alcanzou o posto n.º 9 nas listas británicas, superando a "Bicycle Race"/"Fat Bottomed Girls", só alcanzou o posto n.º 86 nos Estados Unidos.

No 2005 foi elixida polos espectadores do programa de televisión da BBC Top Gear como "a mellor canción para conducir da historia".[2]

Créditos[editar | editar a fonte]

Vídeo musical[editar | editar a fonte]

O videoclip da canción foi dirixido por J. Kliebenstein e gravado no Forest National de Bruxelas, Bélxica, o 26 de xaneiro de 1979.[3] Curiosamente, no videoclip pódese ver a Brian May tocando a guitarra durante case toda a canción, aínda que debido á construción rítmica da mesma, este instrumento non se escoite ata a súa intervención co só de guitarra.

En directo[editar | editar a fonte]

Considerada, no momento do seu lanzamento, como unha canción "menor" dentro do canon de Queen, só se interpretou en directo en 1979, cunha última actuación na xira Crazy Tour.[4] Na versión de estudio, Brian May unicamente toca a guitarra durante o "solo", pero nas interpretacións en directo, durante os tours Jazz e Crazy, May tocaría tamén durante o resto da canción. Unha versión en directo foi incluída no álbum Live Killers (1979).[5]

Outros medios[editar | editar a fonte]

A canción utilizouse en numerosos anuncios publicitarios; VH1, Opel, ENTEL ou Telefónica son algúns exemplos.

Tamén foi utilizada en diferentes películas e series, tales como Shaun of the Dead (2004), Sonic the Hedgehog (2020), Shazam! e Amigos... (2011).

En 2011, foi a canción elixida por Google para o seu logo (ou doodle) especial creado en homenaxe ao que fose o 65 aniversarios de Freddie Mercury.[6]

Darren Criss, interpretando a Blaine Anderson realizou unha versión da canción na serie Glee, para o episodio Diva.

En 2016, foi utilizada no tráiler de lanzamento de Plants vs. Zombies: Garden Warfare 2. Tamén é usada como canción do Just Dance 2017.

Tamén aparece no segundo episodio da primeira tempada da serie de Netflix, Umbrella Academy.

Versións[editar | editar a fonte]

A banda británica McFly fixo unha versión, lanzada o 17 de xullo de 2006, e chegou ao número 1 nas listas británicas, no álbum Motion in the Ocean.[7] Desde a súa publicación en 2006, foi unha canción recorrente nas presentacións da banda. Nunha delas, ademais, contaron como convidado a Brian May, guitarrista de Queen.

Notas[editar | editar a fonte]

  1. Jazz - Don't Stop Me Now Ultimate Queen. Consultado o 2 de xullo de 2011
  2. "Queen win Top Gears Best Driving Song ever poll". Arquivado dende o orixinal o 30 de setembro de 2011. Consultado o 11 de agosto de 2011. 
  3. "Queen Promo Videos". Consultado o 14 de outubro de 2016. 
  4. Queen live on tour: Crazy tour Queen Concerts. 2 de xullo de 2011
  5. Live Killers Allmusic. 12 de xullo de 2011
  6. Inc, Google. "Logo de Google a Freddie Mercury". Video. Consultado o 5 de setembro de 2011. 
  7. Unstoppable McFly top music chart BBC News. 28 de maio de 2011

Véxase tamén[editar | editar a fonte]

Ligazóns externas[editar | editar a fonte]