Dominique Aury

Dominique Aury
Nome completo	Anne Cécile Desclos
Alcume	Dominique Aury e Pauline Réage
Nacemento	23 de setembro de 1907
Lugar de nacemento	Rochefort
Falecemento	26 de abril de 1998
Lugar de falecemento	Corbeil-Essonnes
Nacionalidade	Francia
Alma máter	Lycée Condorcet, Faculty of Arts of Paris e Lycée Fénelon, Paris
Ocupación	escritora, tradutora, guionista, crítica literaria e xornalista
Cónxuxe	Thierry Maulnier e Jean Paulhan
Coñecida por	Back to Roissy e A História de O
Premios	Prix des Deux Magots, Cabaleiro da Lexión de Honra e Prix des Critiques
Na rede
[ editar datos en Wikidata ]

Dominique Aury, nada en Rochefort-sur-Mer (Charente-Maritime) o 23 de setembro de 1907 e finada en Corbeil-Essonnes o 27 de abril de 1998, foi unha escritora francesa, coñecida tamén co pseudónimo de Anne Desclos.

Traxectoria

Naceu nunha familia bilingüe francés-inglés e viviu a súa infancia na Bretaña coa súa avoa. Estudou na Sorbona e traballou como xornalista ata 1946, cando entra como tradutora na editorial Gallimard, onde traduciu ao francés autores como Algernon Charles Swinburne, Evelyn Waugh, Virginia Woolf, T. S. Eliot ou F. Scott Fitzgerald e participa como xurado en numerosos premios literarios.

En 1943 coñecera a Jean Paulhan, director da prestixiosa La Nouvelle Revue Française que se converte no seu amante e logo de afirmar el que as mulleres son incapaces de escribir unha novela erótica ela escribe Histoire d'O (1954), unha novela sadomasoquista que a súa editorial se negou a publicar; tivo que publicala nunha pequena editorial, pero converteuse nun grande éxito comercial. En 1967 publicou Retour à Roissy.

Non foi ata 1994 nunha entrevista ao New Yorker que ela admitiu ser a autora da novela.