Saltar ao contido

Distrito de Darmstadt-Dieburg

Na Galipedia, a Wikipedia en galego.
Modelo:Xeografía políticaDistrito de Darmstadt-Dieburg
EpónimoDarmstadt e Dieburg Editar o valor en Wikidata
Localización
Editar o valor en Wikidata Mapa
 49°53′54″N 8°40′32″L / 49.89847, 8.67556
EstadoAlemaña
PaísHessen
RegierungsbezirkRexión de Darmstadt Editar o valor en Wikidata
CapitalDarmstadt Editar o valor en Wikidata
Contén a división administrativa
Poboación
Poboación284.413 (2014) Editar o valor en Wikidata (431,9 hab./km²)
Xeografía
Superficie658,51 km² Editar o valor en Wikidata
Altitude203 m Editar o valor en Wikidata
Comparte fronteira con
Creación1977 Editar o valor en Wikidata
Organización política
• Xefe do gobernoKlaus Peter Schellhaas (pt) Traducir Editar o valor en Wikidata
Membro de
Identificador descritivo
Fuso horario
Código NUTSDE716 Editar o valor en Wikidata
Sitio webladadi.de Editar o valor en Wikidata

O distrito de Darmstadt-Dieburg (en alemán, Landkreis Darmstadt-Dieburg) é un dos 21 distritos do Estado federado de Hessen (Alemaña). Os 21 distritos son resultado da última reorganización do territorio aprobada no primeiro de agosto 1979, tras reverter a proposta da creación dunha macro-cidade bautizada como Lahn resultado da fusión de Gießen e Wetzlar, tras unha moi intensa oposición popular o cambio reverteuse e fixouse na actual división.[1] O Distrito de Darmstadt-Dieburg está situado no estado federal de Hesse, en Alemaña. Limita cos seguintes distritos e cidades independentes no sentido das agullas do reloxo, comezando polo norte: Distrito de Offenbach (norte) coa Cidade independente de Darmstadt (norte) — Esta cidade está completamente rodeada polo distrito, pero ao ser unha Kreisfreie Stadt (cidade autónoma) non pertence ao mesmo e xera unha fronteira política co mesmo. Distrito de Bergstraße (sueste) Distrito de Odenwaldkreis (sur) Distrito de Miltenberg (suroeste) — este último xa no Estado de Baviera. Distrito de Aschaffenburg (suroeste) — Pertence ao estado de Baviera. Distrito de Offenbach (oeste) — O distrito "envolve" a cidade de Offenbach am Main, por iso aparece de novo ao oeste. Cidade independente de Offenbach am Main (oeste) — Outra cidade autónoma, rodeada polo Distrito de Offenbach e que fai fronteira con Darmstadt-Dieburg. Distrito de Groß-Gerau (noroeste)

Xeo-Parque

[editar | editar a fonte]
Xeo-parque protexido de Messel

O Pozo de Messel é o primeiro Patrimonio Mundial Natural da UNESCO en Alemaña e un dos 100 xacementos xeolóxicos máis significativos a nivel científico do mundo. Dentro do bosque da Bergstrasse-Odenwald ofrece unha visión única da historia da Terra e da evolución da vida hai 48 millóns de anos. A rexión está marcada polo contraste sorprendente entre a chaira alta do Rin e as antigas montañas de Odenwald.

Situado preto de Darmstadt, esta antiga mina de lousa bituminosa e carbón conserva o depósito fósil máis significativo do Eoceno no mundo, con arredor de 47 millóns de anos de antigüidade. Os fósiles, excepcionalmente ben conservados —algúns con pelame e tecidos brandos— ofrecen unha visión única da evolución dos mamíferos, incluídos cabalos primitivos, pangolíns, marsupiais e morcegos. Rexistráronse máis de 1.000 especies, o que converte a Messel nunha referencia mundial para comprender a vida nun ecosistema forestal subtropical durante o Eoceno. Arredor de hai 140 anos, descubríronse os primeiros restos fósiles de crocodilos antigos. Cada ano, durante os meses de verán, realízanse escavacións paleontolóxicas, o que permite obter cada vez máis información sobre a biodiversidade do mundo animal e vexetal no Eoceno. Na exposición "Tempo e Mundos de Messel" o visitante é introducido ao foxo e os traballos en activo. Existen visitas guiadas ao foxo de Messel para visitantes de todas as idades.[2]

Outro lugar excepcional limiar co pozo é o Felsenmeer, ou "Mar de Rochas", no Odenwald. Aquí, milleiros de cantos rodados —algúns do tamaño de camións— están espallados pola ladeira, formados a partir de rochas cristalinas graníticas nas profundidades da codia terrestre. Estas rochas foron elevadas por forzas tectónicas durante a formación do supercontinente Panxea (hai entre 490 e 250 millóns de anos) e máis tarde foron modeladas por procesos de xeo e desxeo durante a última Idade de Xeo. Os canteiros romanos explotaron este recurso entre os séculos II e IV, deixando atrás máis de 15 talleres e arredor de 300 rochas sen rematar ou danadas. Hoxe, os visitantes poden explorar este lugar e a súa historia xeolóxica no Centro de Información do Felsenmeer.

Vilas e concellos

[editar | editar a fonte]

Vilas

  1. Babenhausen (17 695)
  2. Dieburg (15 798)
  3. Griesheim (29 309)
  4. Groß-Bieberau (4 562)
  5. Groß-Umstadt (21 245)
  6. Ober-Ramstadt (15 078)
  7. Pfungstadt (25 415)
  8. Reinheim (16 503)
  9. Weiterstadt (26 583)

Concellos

  1. Alsbach-Hähnlein
  2. Bickenbach
  3. Eppertshausen
  4. Erzhausen
  5. Fischbachtal
  6. Groß-Zimmern
  7. Messel
  8. Modautal
  9. Mühltal
  10. Münster (Hessen)
  11. Otzberg
  12. Roßdorf
  13. Schaafheim
  14. Seeheim-Jugenheim

Notas

[editar | editar a fonte]
  1. ↑ "Die Gebiets- und Funktionalreform in Hessen unter besonderer Lahn". brill.com. Consultado o 2025-10-24. 
  2. ↑ "Konzeption eines multimedialen Informationssystems für mobile Endgeräte". Consultado o 2025-12-10. 
  3. ↑ "Darmstadt-Dieburg". Consultado o 2025-10-27. 

Véxase tamén

[editar | editar a fonte]

Outros artigos

[editar | editar a fonte]
Obtido de «https://gl.wikipedia.org/w/index.php?title=Distrito_de_Darmstadt-Dieburg&oldid=7257787»