Dina Boluarte

Na Galipedia, a Wikipedia en galego.
Infotaula de personaDina Boluarte

(2022) Editar o valor em Wikidata
Biografía
Nacemento(es) Dina Ercilia Boluarte Zegarra Editar o valor em Wikidata
31 de maio de 1962 Editar o valor em Wikidata (61 anos)
Chalhuanca (Perú) Editar o valor em Wikidata
Presidente de Perú
7 de decembro de 2022 –
← Pedro Castillo (pt) Traducir
Minister of Development and Social Inclusion of Peru (en) Traducir
29 de xullo de 2021 – 25 de novembro de 2022
← Silvana Vargas (en) Traducir – Cinthya Lindo (en) Traducir →
Vice President of Peru (en) Traducir
28 de xullo de 2021 – 7 de decembro de 2022 Editar o valor em Wikidata
Datos persoais
ResidenciaPalácio do Governo do Peru (pt) Traducir Editar o valor em Wikidata
País de nacionalidadePerú Editar o valor em Wikidata
EducaciónUniversity of San Martín de Porres (en) Traducir Editar o valor em Wikidata
Actividade
Ocupaciónavogada , política Editar o valor em Wikidata
EmpregadorNational Registry of Identification and Civil Status (en) Traducir (2007–2022) Editar o valor em Wikidata
Partido políticoPeru Livre (pt) Traducir (2018–2022) Editar o valor em Wikidata
LinguaLingua castelá e linguas quechuas Editar o valor em Wikidata
Participou en
8 de agosto de 2023Cúpula da Amazônia de 2023 (pt) Traducir Editar o valor em Wikidata
Sinatura
Editar o valor em Wikidata
IMDB: nm14531676 Facebook: 100063863224126 Twitter: dinaercilia Instagram: dinaboluarte Editar o valor em Wikidata
Dina Boluarte.

Dina Ercilia Boluarte Zegarra, nada en Chalhuanca (Perú) o 31 de maio de 1962, é unha avogada e política peruana e presidenta da República dende o 7 de decembro de 2022. Vicepresidenta entre 2021 e 2022, foi proclamada xefa do Estado peruano logo de que o Congreso do Perú destituíse a Pedro Castillo. É a primeira muller en exercer a presidencia da República do Perú.

Traxectoria[editar | editar a fonte]

Trasladouse a Lima durante a súa infancia e compatibilizou os estudos universitarios de Dereito co traballo. Unha vez licenciada pola Universidade de San Martín de Porres, onde tamén cursou estudos nun mestrado de Dereito notarial e rexistral.[1] Logo de pasar varios anos emigrada en México, en 2007, de regreso no Perú, ingresou como funcionaria no Rexistro Nacional de Identificación e Estado Civil.[2]

Membro do partido Perú Libertario, en 2018, presentouse á alcaldía de Surquillo aínda que non resultou electa, como tampouco foi en 2020 cando concorría a deputada no Congreso. En 2021, o esquerdista Pedro Castillo escolleuna como vicepresidenta na súa candidatura á Presidencia do Perú. Unha vez lograda a vitoria fronte a Keiko Fujimori, Dina Boluarte comezou o seu mandato como vicepresidenta o 28 de xullo de 2021, sendo ademais, ministra de desenvolvemento e inclusión social.[3]

A presidencia de Castillo foi moi convulsa pois as acusacións de corrupción e o enfrontamento co parlamento, controlado pola oposición, déronlle unha grande inestabilidade.[4] Dina Boluarte destacou, inicialmente, como unha grande defensora do presidente: en decembro do 2021, durante a primeira moción de censura contra Castillo, chegou a manifestar que no caso de ser destituído o presidente, ela non aceptaría substituílo e dimitiría canda a el.[5] En 2022 afrontou acusacións de irregularidades administrativas que motivaron a apertura dun proceso non lexislativo para o seu cesamento. Con todo, este procedemento foi rexeitado en comisión parlamentaria o 5 de decembro de 2022.[6] Segundo algúns analistas ese intento de destitución buscaba apartala da sucesión de Castillo para que este fose relevado polo presidente do Congreso, afín á oposición.[7] Mais, entrementres, Dina Boluarte foise distanciando do presidente Castillo conforme avanzaron os seus problemas ata que o 25 de novembro de 2022 presentou a súa dimisión como ministra pola designación de Betssy Chávez como primeira ministra. Boluarte xustificouse facendo chamamentos á fin da polarización política.[8]

O 7 de decembro de 2022, o presidente Pedro Castillo, nun movemento considerado como un autogolpe, anunciou a disolución do Congreso e convocatoria de eleccións constituíntes procurando evitar unha moción de censura.[9] Ó coñecer a noticia, a vicepresidenta Dina Boluarte, anunciou que non a compartía considerando que profundaba na crise política e institucional do país.[10] Tras o cesamento no parlamento e a detención do mandatario, Dina Boluarte xurou como presidenta do Perú apelando á unidade.[11][12] Se ben primeiramente anunciou a súa vontade de manterse no poder ata 2026, cando expira o mandato, posteriormente, amosouse aberta á posibilidade de convocar eleccións adiantadas.[13][14] O sábado 10 de decembro presentou o seu goberno, composto por un total de 17 ministerios dos que 8 serán rexidos por mulleres. A presidenta Boluarte optou por perfís técnicos e politicamente independentes, non repetindo carteira ningún dos ministros do executivo de Castillo.[15]

Logo da destitución de Pedro Castillo durante os primeiros días de presidencia de Dina Boluarte, houbo protestas populares por todo o país pedindo eleccións anticipadas.[16] Durante as mobilizacións houbo varios falecementos, razón que levou ao goberno a establecer o estado de emerxencia nos departamentos de Apurímac, Arequipa e Ica.[17] Ademais, nunha nova mensaxe á nación, Dina Boluarte chamou a eleccións para abril de 2024.[18] Malia a estes anuncios as protestas medraron e nos seguintes días o goberno ampliou o estado de emerxencia a todo o país.[19] Ademais, a crise política agudizouse pois o Congreso rexeitou o adianto electoral e a represión causou a morte dunha vintena de persoas, o que motivou a dimisión de dous ministros.[20][21]

Notas[editar | editar a fonte]

  1. ↑ "Dina Ercilia Boluarte Zegarra - Primera Vicepresidenta de la República del Perú". www.gob.pe (en castelán). Arquivado dende o orixinal o 25 de outubro de 2022. Consultado o 2022-12-07. 
  2. ↑ "Dina Boluarte, la vicepresidenta que asume el Ministerio de Desarrollo e Inclusión Social [Perfil]". RPP (en castelán). 2021-07-29. Consultado o 2022-12-07. 
  3. ↑ "Dina Boluarte, la vicepresidenta que asume el Ministerio de Desarrollo e Inclusión Social [Perfil]". RPP (en castelán). 2021-07-29. Consultado o 2022-12-07. 
  4. ↑ "La crisis permanente del destituido Pedro Castillo". DW.COM (en castelán). Consultado o 2022-12-10. 
  5. ↑ Redacción RPP (2021-12-07). "Dina Boluarte: "Si al presidente lo vacan, yo me voy con el presidente"". RPP (en castelán). Consultado o 2022-12-10. 
  6. ↑ "Dina Boluarte, vicepresidente de Perú, se salvó de ser destituida, ¿qué pasó?". www.semana.com (en castelán). 2022-12-05. Consultado o 2022-12-10. 
  7. ↑ "El azar elige a la presidenta de Perú". La Voz de Galicia (en castelán). 2022-12-10. Consultado o 2022-12-10. 
  8. ↑ "¿Quién es Dina Boluarte, la nueva presidenta de Perú?". CNN (en castelán). 2022-12-07. Consultado o 2022-12-07. 
  9. ↑ "Pedro Castillo pone fin a su presidencia con un autogolpe al estilo Fujimori". DW.COM (en castelán). Consultado o 2022-12-07. 
  10. ↑ "Dina Boluarte rechaza decisión del presidente Pedro Castillo de disolver el Congreso". TVPerú (en castelán). 2022-12-07. Consultado o 2022-12-07. 
  11. ↑ "Dina Boluarte xura como nova presidenta do Perú despois de que Castillo intentase un autogolpe". G24. Consultado o 2022-12-07. 
  12. ↑ "Dina Boluarte Zegarra convoca a un gobierno de unidad nacional". Congreso del Perú (en inglés). Consultado o 2022-12-10. 
  13. ↑ "Perú: presidenta mira a 2026; otros piden adelanto electoral". Chicago Tribune. Consultado o 2022-12-10. 
  14. ↑ "Giro de Boluarte, abre puerta a elecciones - Política". ANSA.it (en castelán). 2022-12-09. Consultado o 2022-12-10. 
  15. ↑ "Boluarte nombra su gabinete con un ex fiscal superior como primer ministro". La Vanguardia (en castelán). 2022-12-10. Consultado o 2022-12-11. 
  16. ↑ "Manifestantes en Perú exigen nuevas elecciones y la presidenta Dina Boluarte sopesa convocarlas". BBC News Mundo (en castelán). Consultado o 2022-12-12. 
  17. ↑ "Dina Boluarte: Gobierno dicta el estado de emergencia en Apurímac, Arequipa e Ica tras muertes durante enfrentamientos". El Comercio Perú (en castelán). 2022-12-12. Consultado o 2022-12-12. 
  18. ↑ "Presidenta: “He decidido asumir iniciativa para adelantar elecciones para abril del 2024"". Nacional (en castelán). 2022-12-12. Consultado o 2022-12-12. 
  19. ↑ Taj, Mitra; Turkewitz, Julie (2022-12-15). "Entre protestas y tensión política, Perú se encuentra en estado de emergencia". The New York Times (en castelán). ISSN 0362-4331. Consultado o 2022-12-17. 
  20. ↑ "Las protestas en Perú dejan una veintena de muertos mientras el Congreso rechaza la propuesta de adelanto electoral". BBC News Mundo (en castelán). Consultado o 2022-12-17. 
  21. ↑ "Renuncian dous ministros peruanos por "desproporcionada" resposta ás protestas". G24. Consultado o 2022-12-17. 

Véxase tamén[editar | editar a fonte]

Ligazóns externas[editar | editar a fonte]

Páxina web da Presidencia da República do Perú (en español)

Traído desde «https://gl.wikipedia.org/w/index.php?title=Dina_Boluarte&oldid=6265377»