Dieta mediterránea

Na Galipedia, a Wikipedia en galego.
Saltar ata a navegación Saltar á procura
Dieta mediterránea
Gazpacho ingredients.jpg
As verduras e o aceite de oliva son os elementos fundamentais da dieta mediterránea.
Patrimonio da Humanidade - UNESCO
PaísEspaña España
Portugal Portugal
Flag of France.svg Francia
Grecia Grecia
Chipre Chipre
Italia Italia
Marrocos Marrocos
Croacia Croacia
LocalizaciónSur de Europa
TipoCultural inmaterial
CriteriosR1, R2, R3, R4 e R5
Inscrición2010
Rexión da UNESCOEuropa e América do Norte
Identificador00884

Coñécese como dieta mediterránea ó xeito de alimentarse baseado nunha idealización dalgúns patróns dietéticos dos países mediterráneos, especialmente: España, Portugal, Francia, Italia, Grecia e Malta.[1]

As características principais desta alimentación son un alto consumo de produtos vexetais (froitas, verduras, legumes, froitos secos), pan e outros cereais (sendo o trigo o alimento base), o aceite de oliva como graxa principal, o vinagre e o consumo regular de viño en cantidades moderadas.

Historia[editar | editar a fonte]

As primeiras referencias científicas a unha dieta mediterránea son do ano 1948, cando o epidemiólogo Leland G. Allbaugh estudou o xeito de vida dos habitantes da illa de Creta e, entre outros aspectos, comparou a súa alimentación coa de Grecia e os Estados Unidos.[2] Pola súa banda, o fisiólogo norteamericano Ancel Keys, que encabezou un estudo sobre as doenzas coronarias, o colesterol do sangue e o estilo de vida de sete países (Italia, Iugoslavia, Grecia, Países Baixos, Finlandia, os Estados Unidos e o Xapón) trala segunda guerra mundial, contribuíu á súa difusión. Keys e os seus colaboradores apreciaron que a incidencia das doenzas coronarias era menor nas zonas rurais do sur de Europa e no Xapón. Sospeitaron que había un factor protector no estilo de vida, que etiquetaron como "maneira mediterránea" (mediterranean way). Describiron este estilo de vida como "moi activo fisicamente (pola escasa mecanización do agro), frugal, e cunha inxestión predominante de produtos vexetais e reducida en produtos de orixe animal".[3] A posterior difusión dos seus resultados asimilou o concepto de "estilo mediterráneo" co de "dieta mediterránea".

Notas[editar | editar a fonte]

  1. León MT y Castillo MD. 2002. La dieta mediterránea está de moda. Medicina General 49: 902-908. Arquivado 17 de maio de 2011 en Wayback Machine.
  2. Allbaugh LG. 1953. Food and nutrition (chapter 6). En: Crete: A case study of an underdeveloped area. Princeton University Press, Princeton, NJ. pp: 97-135.
  3. Kromhout D, Bloemberg B, Seidell JC, Nissinen A y Menotti A. 2001. Physical activity and dietary fiber determine population body fat levels: the Seven Countries Study. International Journal of Obesity 25 (3): 301-306.