Diana Balmori

Diana Balmori

Biografía
Nacemento	4 de xuño de 1932 Xixón, España
Morte	14 de novembro de 2016 (84 anos) Nova York, Estados Unidos de América
Datos persoais
País de nacionalidade	Estados Unidos de América (1952–) España
Educación	Universidade de California, Os Ánxeles - Doutor en filosofía (–1973) Universidade Nacional de Tucumán (pt) (1949–1952) Universidade Harvard Radcliffe College (pt)
Actividade
Ocupación	paisaxista , profesora universitaria
Empregador	Universidade de Nova York (1974–1981)
Lingua	Lingua inglesa e lingua castelá
Obra
Obras destacables World Financial Center (pt) Winter Garden Atrium (en) Plaza Euskadi (en) Parque de la Campa de los Ingleses (en) (2009) Ciudad Empresarial Sarmiento Angulo
Familia
Cónxuxe	César Pelli (1950–2016)
Páxina web	balmori.com

Diana Balmori Ling, nada en Xixón o 4 de xuño de 1932 e finada en Nova York o 14 de novembro de 2016, foi unha arquitecta paisaxista, profesora e deseñadora urbana española, recoñecida internacionalmente. Foi tamén fundadora da empresa de deseño de paisaxes, Balmori Associates.

Traxectoria

Primeiros anos

Parque da Campa dos Ingleses, Abandoibarra, Bilbao, Diana Balmori Associates.

Nada en Xixón, pasou a maior parte da súa infancia en España e Inglaterra, antes de que a súa familia se mudase á Arxentina. A súa nai, Dorothy Ling, nada en Inglaterra, foi unha música e musicóloga de sona. O seu pai Clemente Hernando Balmori, era republicano e foi un dos lingüistas españois máis influentes.

Balmori foi unha nena moi creativa e imaxinativa, e sentiuse atraída polas artes dende temperá idade. Ela aprendeu a cantar, bailar, tocar o piano, e os seus pais animárona a explorar unha ampla gama de áreas, literatura, poesía, latín, grego, pintura e música. Á vez que incursionaba no mundo do deseño, o que deixou moitas influencias nela, mostrando amplamente o seu estilo de deseño único e exitoso.

Graduouse na escola secundaria ós 16 anos. En Tucumán, coñeceu a César Pelli con quen casou en 1950 e que posteriormente sería o seu socio.

Praza Euskadi, Bilbao Diana Balmori Associates.

Formación

Diana Balmori ingresou á carreira de arquitectura na Universidade Nacional de Tucumán en 1949 e recibiu o seu título en 1952. Ese mesmo ano viaxou con Pelli ós Estados Unidos, onde naceron os seus dous fillos: Denis en 1953 e Rafael en 1956.

Entre 1964 e 1976 viviron nos Ánxeles, onde ela realizou o seu doutoramento en Historia Urbana na Universidade de California, que finalizou en 1973 con altas honras. O ano seguinte comezou a dar clases na State University of New York en Oswego até 1981.

Traxectoria profesional

Socia de Pelli and Associates

En 1977, Balmori e Pelli radicáronse en New Haven, onde xunto a Fred Clarke formaron o estudio César Pelli and Associates. O estudio iniciou cun encargo de gran relevancia: o multipremiado proxecto para a renovación de MoMA de Nova York. Nos anos seguintes o estudo crece co World Financial Center e o Winter Garden en Battery Park. Este consiste en catro torres e unha praza pública aberta. O estudo obtivo a medalla de Ouro da AIA á firma do ano en 1989. Ela foi enfocando as súas achegas cara á arquitectura da paisaxe. Ese mesmo ano, Balmori finalizou os seus estudos de deseño da paisaxe no Radcliffe College. Ela desenvolvera un grande interese polo tema da paisaxe dende o punto de vista teórico e escribira sobre a obra de Beatrix Farrand, a paisaxista que ós 50 anos deseñou o campus de Dumbarton Oaks cuxos edificios eran obra de McKim, Mead & White.

O interese de Balmori na paisaxe e o deseño urbano xurdiu do seu interese nos espazos públicos, a forma no que son empregados e deseñados, e o seu papel e efecto nunha área máis grande. O seu estilo de deseño é recoñecido pola forma en que se crea unha interface fluída entre a paisaxe e a estrutura no desenvolvemento dos espazos públicos urbanos.