Na Galipedia, a Wikipedia en galego.
O deporte xoga unha función importante na cultura de Estonia. Estonia competiu por primeira vez como nación nos Xogos Olímpicos de verán de 1920, aínda que o Comité Olímpico Estoniano non se creou até 1923. Os atletas estonianos participaron en todos os Xogos Olímpicos ata que o país foi anexionado pola Unión Soviética en 1940. A regata de vela dos Xogos Olímpicos de verán de 1980 celebrouse na capital, Talín. Estonia gañou a maioría das súas medallas olímpicas en loita, atletismo, levantamento de pesas e esquí de fondo.[1]
- ↑ Xinhua News Agency – Ethiopian makes Winter Olympic history, Russian Pyleva banned – By sportswriter Xie Peilin – 18 de febreiro de 2006 – [1]
