Departamentos de Bolivia

Na Galipedia, a Wikipedia en galego.
Saltar ata a navegación Saltar á procura

En Bolivia, os departamentos son as maiores entidades subnacionais nas que se subdivide o territorio do Estado. Desde o 4 de abril de 2010, contan con autonomía recoñecida pola constitución a nivel executivo e lexislativo pero non xudicial.

Coa nova constitución, o 4 de abril de 2010 foron substituídas as prefecturas de todos os departamentos bolivianos polos gobernos departamentais, entidades gobernamentais segundo o texto constitucional. Os gobernos departamentais son encabezados por gobernadores electos mediante o voto popular.

Precedentes[editar | editar a fonte]

O sistema de comunidades autónomas é froito dunha intensa negociación na época da Crise política, entre os partidos que querían o centralismo, e os que buscaban un Estado federal ou descentralizado.

A Constitución Boliviana de 2009 introduciu como novidade o estado rexional, a semellanza do de España. Retoma ese proceso para evitar o federalismo, pero introducindo dúas vías de conseguir a autonomía establecendo tres categorías de autonomías. Establece a organización territorial do Estado en municipios, provincias e departamentos autónomos, con competencias para xestionar os seus propios intereses.

Organización dos Departamentos Autónomos[editar | editar a fonte]

Cada departamento ten unha Asemblea e un Goberno autonómico que organizan os asuntos departamentais.

A Asemblea departamental[editar | editar a fonte]

A Asemblea está formada polos representantes que foron elixidos polos cidadáns. Esta Asemblea elabora as leis autonómicas, que se aplican no territorio do departamento. A lei máis importante dun departamento é o Estatuto de Autonomía. Nel defínense as competencias autonómicas, así como establecerse a capital, a lingua ou linguas oficiais, o territorio ou os símbolos.

O gobernador[editar | editar a fonte]

  • Nomeamento. Unha vez celebradas as eleccións e constituída a cámara, o Gobernador da Asemblea propón o candidato do partido con maior representación. Este candidato sométese a votación, que debe ser apoiado por maioría absoluta na primeira votación e se non a tivera, na segunda por maioría simple.

Se non obtivese o apoio repetiríase a votación con distintas candidaturas, até que se pasados dous meses desde a primeira votación ningún dos candidatos obtivera o apoio, disolveríase a cámara, e convocaríanse eleccións de novo.

  • Funcións Dirección do Consello de Goberno e suprema representación do departamento, representante do Estado no departamento. Promulga e ordena a publicación das Leis e do nomeamento do Poder Xudicial no departamento.

Os secretarios[editar | editar a fonte]

Son as persoas responsables dos distintos asuntos do departamento autónomo. Son elixidos polo Gobernador.

Lista de departamentos de Bolivia[editar | editar a fonte]

Departamentos de Bolivia
Departamento Provincias Capital Superficie (km²) Poboación (hab) Densidade (hab/km²)
Flag of Beni.svg Beni 8 Trinidad 213.564 430.049 2,0
Flag of Chuquisaca.svg Chuquisaca 10 Sucre 51.524 631.062 12,2
Flag of Cochabamba.svg Cochabamba 16 Cochabamba 55.631 1 786 040 32,1
Flag of lapaz.svg La Paz 20 Nuestra Señora de La Paz 133.985 2 756 989 20,6
Flag of Oruro.svg Oruro 16 Oruro 53.588 444.093 8,3
Flag of Pando.svg Pando 5 Cobija 63.827 75.335 1,2
Flag of potosi.svg Potosí 16 Potosí 118.218 780.392 6,6
Flag of Santa Cruz.svg Santa Cruz 15 Santa Cruz de la Sierra 370.621 2 626 697 7,1
Flag of Tarija.svg Tarija 6 Tarija 37.623 496.988 13,2
Flag of Bolivia.svg Bolivia 112 Sucre (Constitucional) La Paz (De facto) 1 098 581 10 027 644 9,1
Fonte: Proyecciones Demográficas 2008, INE.[1]

Notas[editar | editar a fonte]