Departamento de Atlántida

Na Galipedia, a Wikipedia en galego.
Honduras map, HN-AT.svg

O departamento de Atlántida é un dos 18 departamentos que conforman a República de Honduras.

Está localizado no sector setentrional do país. Limita polo norte co mar Caribe, onde se acha o departamento de Islas de la Bahía; polo sur co departamento de Yoro; polo leste co departamento de Colón e polo oeste co departamento de Cortés.

Ten como cabeceira departamental a cidade portuaria de La Ceiba, a terceira cidade máis importante do Estado, despois de Tegucigalpa e San Pedro Sula.

Historia[editar | editar a fonte]

O departamento foi creado oficialmente en 1902, desde territorios pertencentes a Colón, Cortés e Yoro. Durante 1910 a poboación do departamento era de 11.370 habitantes, destacando a localidade de La Ceiba, debido a que ademais de ser a capital, contaba cunha gran poboación activa.

Xeografía[editar | editar a fonte]

Río San Juan, no municipio de Arizona.

Atlántida presenta dúas rexións diferenciadas, unha cha e outra montañosa. A primeira esténdese a carón da costa caribeña, formando amplas praias, e ten como accidente costeiro máis notable a Baía de Tela, cuxos extremos son as puntas Sal, no oeste, e Izopo, no leste. A rexión montañosa comprende a Serra Nombre de Dios, onde se alza o Pico Bonito, o punto máis alto do departamento.

O clima é tropical chuvioso na chaira costeira, e o sistema hidrolóxico esta conformado polos ríos Ulúa, Leán, Cangrejal, Danto, Cuero, Salado, Papaloteca e San Juan.

Demografía[editar | editar a fonte]

A poboación do departamento, a pesar da importante concentración urbana en La Ceiba, é maioritariamente rural. A poboación dominante é ladino e conta na costa con varias comunidades garífunas.

A principal fonte de ingresos do departamento é a agricultura, a industria e o comercio, estes últimos concentrados principalmente en La Ceiba. Tamén cabe destacar a minería non metálica e a crecente industria do turismo.

O departamento tamén conta cunha óptima rede vial, que inclúe estradas pavimentadas, ferrocarril, os portos de La Ceiba e Tela, e o Aeroporto Internacional de Golosón en La Ceiba.

Educación[editar | editar a fonte]

O departamento de Atlántida ten unha taxa de analfabetismo do 14,2 e un promedio de 5,2 anos de estudo.[1]

Municipios[editar | editar a fonte]

Municipios do departamento de Atlántida
HN-AT Municipalities.svg
No. Municipio Cabeceira Poboación (2001)[2]
1 Arizona Arizona 19.660
2 El Porvenir El Porvenir 14.437
3 Esparta Esparta 15.486
4 Jutiapa Jutiapa 27.472
5 La Ceiba La Ceiba 127.590
6 La Masica La Masica 22.682
7 San Francisco San Francisco 10.683
8 Tela Tela 77.031

Notas[editar | editar a fonte]

Véxase tamén[editar | editar a fonte]