Demografía de Noruega
 | Este artigo precisa de máis fontes ou referencias que aparezan nunha publicación acreditada que poidan verificar o seu contido, como libros ou outras publicacións especializadas no tema. Por favor, axude mellorando este artigo. (Desde xuño de 2016.) |
Noruega ten unha poboación de 4 600 000 habitantes cun crecemento anual do 0,57%. Do mesmo xeito que noutros países europeos, Noruega na actualidade está a atravesar unha época cun baixo índice de natalidade, que seguiu a outra na que houbo un forte crecemento da poboación. Este crecemento da poboación chegou a alcanzar o 1% xusto despois da segunda guerra mundial, mais comezou a caer na década dos 70, continuando así durante toda a década dos 80. A partir de 1995 a poboación empezou a aumentar unha vez máis, aínda que isto débese máis á inmigración que ao índice de natalidade propiamente dito.
Poboación[editar | editar a fonte]
O número de nenos nados de mulleres norueguesas ha ir descendendo constantemente. A taxa de nacementos por cada 1000 habitantes baixou moito desde finais do século XIX, probablemente debido ás medidas de planificación familiar. Este declive do índice de natalidade apareceu en primeiro lugar nas zonas urbanas e as rexións centrais, e chegou a unhas taxas tan baixa de reprodución (menos de 1%) que os niveis de poboación a longo prazo non poderán manterse sen a inmigración.
En 1769, o primeiro censo completo que se realizou en Noruega daba a cifra de 700.000 habitantes. O primeiro millón alcanzouse en 1822, o segundo en 1890, o terceiro en 1942, e o cuarto en 1975. En outubro de 2000 a poboación de Noruega pasaba dos 4 millóns e medio, e todos os cálculos indican que se pasará de cinco millóns máis ou menos en 2030.
Datos demográficos[editar | editar a fonte]
No pasado a taxa de mortalidade en Noruega flutuaba rapidamente debido aos desastres naturais, as guerras e as epidemias. O desenvolvemento social e económico do país, e non en menor medida a mellora das condicións médicas e sanitarias, deron como resultado un descenso radical da taxa de mortalidade, principalmente debido á redución da mortalidade infantil e a erradicación da tuberculose. A esperanza de vida experimentou un incremento constante desde 1830 até chegar aos 78,7 anos de hoxe en día, cifra que se atopa entre as máis altas do mundo.
As principais cidades de son Oslo, Bergen, Trondheim, Stavanger e Tromsø.
Linguas[editar | editar a fonte]
A lingua norueguesa posúe dúas formas escritas, chamadas bokmål e nynorsk, as cales non difiren en gran medida. O Bokmål é o sistema utilizado pola maioría. Varias linguas saamis son faladas e escritas nas rexións do norte polo pobo saami. O idioma noruegués xermánico e os idiomas saami non teñen ningunha relación entre si.
Relixión[editar | editar a fonte]
A maioría dos noruegueses (86%) pertencen á Igrexa Luterana de Noruega. Preto do 7% pertence a outras comunidades relixiosas, mentres que ao redor dun 1,5% pertence á unión ética humana secular. A porcentaxe restante non pertence a ningunha agrupación.