Demófilo Pedreira Rumbo
| Biografía | |
|---|---|
| Nacemento | 1922  Cortegada, España |
| Morte | 2012 (89/90 anos) México |
| Datos persoais | |
| Outros nomes | Nene |
| País de nacionalidade | España |
| Actividade | |
| Ocupación | membro da resistencia |
| Lingua | Lingua castelá |
| Carreira militar | |
| Conflito | Guerra civil española |
| Familia | |
| Pai | Manuel Pedreira Pazos |
| Irmáns | Manuel Pedreira Rumbo |
Cástor Demófilo Pedreira Rumbo, coñecido como Nené, nado en Cortegada (Sarreaus) cara a 1922 e finado en México en 2012, foi un guerrilleiro antifranquista galego.
Traxectoria[editar | editar a fonte]
Fillo de Manuel Pedreira Pazos. Cursaba estudos de Medicina en 1942. Vinculado ao PCE, organizou unha célula comunista clandestina nun sanatorio da Coruña que pertencía a un familiar. Facilitou a operación de apendicite do guerrilleiro Evaristo Candelas Pérez. Por medo a ser descuberto, fuxiu ao monte en agosto de 1942, integrándose no grupo Neira. Foi responsable de formación política, e despois xefe dos oficiais de enlace da zona da Coruña e Ferrol. Foi procesado con outras 29 persoas polo Tribunal Militar de Lugo na causa 531/42 por asasinato de Jose Fortune e Jose Mosquera.[1] A finais de 1942 puido embarcarse cara Buenos Aires, exiliándose na Arxentina. Cursou estudos de enxeñería e especializouse en pesca e conserva. Casou con Irene Carratalá Crespo. Co proceso de Reorganización Nacional o seu fillo Rafael Antonio Pedreira Carratalá foi detedo en La Plata o 19 de xaneiro de 1977, sendo un dos desaparecidos pola ditadura arxentina.[2] Demófilo regresou a Galicia en 1978 intentando encontrar traballo nas empresas pesqueiras das Rías Baixas. Fracasou, pero ofrecéronlle a xerencia da filial de Dalcahue en Chiloé (Chile), onde se instalou.[3] Finou en México en 2012.[4]
Notas[editar | editar a fonte]
- ↑ Ficha en Combatientes
- ↑ La Voz de Galicia, 27-7-1983, p. 29.
- ↑ Demófilo Pedreira Rumbo
- ↑ Los hilos de la memoria: Entre la vida y la muerte
Véxase tamén[editar | editar a fonte]
Bibliografía[editar | editar a fonte]
- Simón Lorda, D. (2011). "Recuperando a Memoria (histórica) na sanidade galega (II): Médicos, Practicantes e “Maquis”: O apoio á guerrilla e aos represaliados na posguerra" (PDF). Cadernos de Atención Primaria 18: 166. Consultado o 20 de marzo de 2017.
Ligazóns externas[editar | editar a fonte]
- Ficha en Los de la sierra Arquivado 21 de marzo de 2017 en Wayback Machine.
- ¡Nunca más!