DeepSeek
| DeepSeek | |||||||||||
|---|---|---|---|---|---|---|---|---|---|---|---|
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| |||||||||||
| Wikidata C:Commons | |||||||||||
DeepSeek (en chinés simplificado: 深度求索; pinyin: Shēndù qiúsuǒ) é unha empresa chinesa de intelixencia artificial que desenvolve modelos de linguaxe estendido de código aberto. A empresa está financiada exclusivamente polo fondo de investimento chinés High-Flyer. Tanto DeepSeek como High-Flyer teñen a súa sede en Hangzhou.[1]
En xaneiro de 2025, a compañía gañou a atención internacional co lanzamento do seu último modelo, DeepSeek R1, un competidor de sistemas de chatbot como ChatGPT de OpenAI.
Historia
[editar | editar a fonte]En abril de 2023, High-Flyer, un fondo con sede en Hangzhou que utiliza un modelo de intelixencia artificial para transaccións financeiras (negociación de alta frecuencia),[2] anunciou a través do seu fundador Liang Wenfeng que lanzaría unha empresa independente especializada en intelixencia artificial chamada DeepSeek, co fin de desenvolver e comercializar intelixencia artificial xerativa utilizando un modelo de linguaxe desenvolvido pola firma.
En novembro de 2023, DeepSeek lanzou o seu primeiro modelo, chamado DeepSeek Coder, especializado na xeración e comprensión de códigos fonte.
O 29 de novembro do mesmo ano, DeepSeek anunciou o lanzamento do seu primeiro bot conversacional mediante un modelo de linguaxe de grande escala chamado DeepSeek LLM, que constaba dun total de 67.000 millóns de parámetros, gratuíto e de código aberto.
O 7 de maio de 2024, DeepSeek lanzou DeepSeek V2, que nesta ocasión contiña un total de 236.000 millóns de parámetros e podía activar até 21.000 millóns de parámetros por cada token utilizado. Ao mes seguinte, lanzouse a segunda versión de DeepSeek Coder chamada DeepSeek Coder V26.
En decembro de 2024, DeepSeek lanzou DeepSeek V3, que substituíu a versión anterior e pretendía ser unha alternativa a outros modelos de idiomas dispoñibles en liña.
O 20 de xaneiro de 2025, a compañía anunciou o lanzamento do seu primeiro modelo de razoamento chamado Deepseek R1, utilizando unha cadea de razoamento mediante o desenvolvemento de pasos lóxicos sucesivos para as consultas.
Notas
[editar | editar a fonte]- ↑ Spadoni, Pedro (2025-01-28). "DeepSeek: Quem é o 'pai' da inteligência artificial chinesa?". Olhar Digital (en portugués). Consultado o 2025-01-29.
- ↑ McMorrow, Ryan; Olcott, Eleanor (2024-06-09). "The Chinese quant fund-turned-AI pioneer". Financial Times. Consultado o 2025-01-29.
Véxase tamén
[editar | editar a fonte]Outros artigos
[editar | editar a fonte]
 |
Este artigo sobre informática é, polo de agora, só un bosquexo. Traballa nel para axudar a contribuír a que a Galipedia mellore e medre. Existen igualmente outros artigos relacionados con este tema nos que tamén podes contribuír. |