Decúbito

Individuo deitado en posición de decúbito prono.

Decúbito é un termo médico que fai referencia á posición corporal no que o paciente fica deitado. Deriva da palabra latina decumbere (deitarse, xacer). Dentro da posición de decúbito, existen variacións en función da posición específica.

Tipos de posición

As formas de decúbito inclúen:

• Decúbito supino: o individuo atópase deitado coa boca cara enriba, isto é, o peso do corpo recae sobre a rexión dorsal. Tamén pode denominarse decúbito dorsal.
• Decúbito prono: o individuo atópase deitado coa boca cara abaixo, isto é, o peso do corpo recae sobre a rexión ventral.
• Decúbito lateral: o individuo atópase deitado lateralmente, de xeito que o peso do corpo recae sobre os ombros e o cadrís. Dentro desta categoría distinguimos entre:
  • Decúbito lateral dereito.
  • Decúbito lateral esquerdo.
  • Posición lateral de seguridade, empregado como medida de seguridade ante pacientes inconscientes ou con baixo nivel de consciencia.

Véxase tamén

Outros artigos

• Ortopnea

Ligazóns externas

• Dicionario médico CUN. Posición decúbito.