Davis é unha cidade do condado de Yolo, California, nos Estados Unidos. Segundo o censo de 2000 tiña 60.308 habitantes, pero en 2007 a poboación chega xa a 64.938. O ciclismo é un modo moi popular de transporte na cidade, sobre por parte dos estudantes, sendo así que o lema da cidade é "Most bicycle friendly town in the world" (do inglés: A cidade máis amigable para as bicicletas no mundo)
Davis é a única cidade do condado que alberga unha sede da Universidade de California (UC Davis), á que debe gran parte da súa actividade e dinamismo. Os seus habitantes son xeralmente adiñeirados e de diversa procedencia, abundando as minorías de orixe asiática, mexicana e latinoamericana. Davis goza dun dos índices de criminalidade máis baixos dos Estados Unidos.
