David de Gea
| David de Gea | |||
|---|---|---|---|
 De Gea con España sub-21 en 2011 | |||
| Información persoal | |||
| Nome completo | David de Gea Quintana | ||
| Nacemento | 7 de novembro de 1990 (29 anos) | ||
| Madrid | |||
| Nacionalidade | España | ||
| Altura | 1,92 m. | ||
| Posición | Porteiro | ||
| Información de club | |||
| Club actual | Manchester United | ||
| Número | 1 | ||
| Carreira xuvenil | |||
| 2003–2008 | Atlético de Madrid | ||
| Carreira sénior | |||
| Anos | Equipos | Aprs† | (Gls)† |
| 2008–2009 | Atlético B | 35 | (0) |
| 2009–2011 | Atlético de Madrid | 57 | (0) |
| 2011– | Manchester United | 168 | (0) |
| Selección nacional | |||
| 2007 | España sub-17 | 15 | (0) |
| 2007–2009 | España sub-19 | 15 | (0) |
| 2009 | España sub-20 | 1 | (0) |
| 2009–2013 | España sub-21 | 27 | (0) |
| 2012 | España sub-23 | 5 | (0) |
| 2014– | España | 15 | (0) |
|
* Partidos e goles só en liga doméstica. Actualizados a 27 de agosto de 2016. | |||
David de Gea Quintana, nado en Madrid o 7 de novembro de 1990, é un futbolista español. Xoga de porteiro e o seu actual club é o Manchester United F.C.
Índice
Traxectoria[editar | editar a fonte]
David de Gea naceu o 7 de novembro de 1990 en Madrid. Empezou a xogar ao fútbol con 8 anos en Casarrubuelos (Madrid), posteriormente estivo xogando no Colexio Castilla (Torrejón de la Calzada) cando tiña 12 anos, e con 14 anos chamárono do Atlético de Madrid. Con 16 chamáronlle para xogar coa Selección Española sub-16 e aos 19 xogou o seu primeiro partido en Primeira División.
Naceu circunstancialmente en Madrid, pero se criou desde o seu nacemento en Illescas (Toledo). Os seus primeiros pasos futbolísticos deunos na próxima escola da localidade de Casarrubuelos (Madrid). Recibiu varios premios como deportista destacado por parte da Xunta de Comunidades de Castela-A Mancha e pola Deputación de Toledo.
Atlético de Madrid[editar | editar a fonte]
O 30 de setembro de 2009 debutou, debido á lesión do porteiro titular do equipo, Roberto, nun partido oficial co primeiro equipo do Atlético de Madrid, nun encontro de Liga de Campións que enfrontaba ao Atlético contra o FC Porto no Estádio do Dragão.[1] O 3 de outubro debuta no Estadio Vicente Calderón e detén un penalti; o seu equipo vence por 2-1 ao Zaragoza e sae ovacionado pola afección colchoneira.[2] O 24 de outubro de 2009 xoga o seu segundo partido na Liga contra o Mallorca, o resultado é de 1-1.
No partido pertencente á ida dos dezaseisavos de final da UEFA Europa League, que o seu club disputou o 18 de febreiro de 2010 no Estadio Vicente Calderón, lesionouse tendo que ser substituído por Asenjo no minuto 25 da segunda parte, cando o equipo gañaba 1 a 0 (gol de Reyes) ao Galatasaray turco. Poucos minutos logo de ser substituído os turcos empataban o encontro, nunha desafortunada saída do meta Asenjo, sendo este o resultado final.
O 12 de maio de 2010, De Gea xoga como porteiro titular do Atlético de Madrid na final da UEFA Europa League, gañándolla ao Fulham por 2-1, con ambos os goles do dianteiro uruguaio Diego Forlán. En dita final, David de Gea realiza varias paradas de mérito cando o marcador reflectía o 1-1, evitando así a derrota do seu equipo.
O 19 de maio de 2010, tan só unha semana logo da primeira final, disputa a segunda consecutiva, esta vez da Copa do Rei. O Atlético perde contra o Sevilla FC por dous goles a cero. Dita final disputouse no Camp Nou de Barcelona.
O 27 de agosto de 2010, o Atlético xoga a final da Supercopa de Europa contra o Inter de Milán. O porteiro madrileño detén un penalti a Diego Milito nos últimos minutos de partido e proclámase campión, sendo o resultado final do partido dous a cero.
Foi galardoado como Xogador Revelación da tempada 2009–10.
Selección nacional[editar | editar a fonte]
De Gea formou parte da selección española que se foi campioa do Europeo sub-17 e subcampioa no Mundial Sub-17 de 2007. O 10 de maio de 2010, foi incluído por Vicente del Bosque na preselección de 30 xogadores que poderían representar a España na Copa Mundial de Suráfrica de 2010.[3] Con todo finalmente foi descartado na lista definitiva de 23 xogadores que deu o 20 de maio.
O 25 de xuño de 2011 proclamouse campión da Eurocopa sub-21.
Estatísticas[editar | editar a fonte]
A columna goles refírese a goles encaixados. Actualizado a 26 de xaneiro de 2011.
| Club | Tempada | Categoría | Liga | Copa | Europa League | Champions League | Total | |||||
|---|---|---|---|---|---|---|---|---|---|---|---|---|
| Part. | Goles | Part. | Goles | Part. | Goles | Part. | Goles | Part. | Goles | |||
 Atlético de Madrid
|
2009/10 | Primeira División | 19 | 28 | 7 | 10 | 8 | 7 | 1 | 2 | 35 | 47 |
| 2010/11 | Primeira División | 20 | 24 | 5 | 5 | 5 | 6 | - | - | 30 | 35 | |
| Total | 39 | 52 | 12 | 15 | 13 | 13 | 1 | 2 | 65 | 82 | ||
Palmarés[editar | editar a fonte]
Campionatos nacionais[editar | editar a fonte]
| Título | Club | Pais | Ano |
|---|---|---|---|
| Premier League | Manchester United FC | Inglaterra | 2013 |
Campionatos internacionais[editar | editar a fonte]
| Título | Club | Pais | Ano |
|---|---|---|---|
| UEFA Europa League | Atlético de Madrid | España | 2010 |
| Supercopa de Europa | Atlético de Madrid | España | 2010 |
Campionatos de seleccións[editar | editar a fonte]
| Título | Selección | Ano |
|---|---|---|
| Campionato Europeo Sub-17 | Selección española Sub-17 | 2007 |
| Eurocopa sub-21 | Selección española sub-21 | 2011 |
Distincións individuais[editar | editar a fonte]
| Distinción | Ano |
|---|---|
| Xogador Revelación da tempada 2009/10 | 2010 |
Notas[editar | editar a fonte]
- ↑ "Roberto rompe e debuta De Gea". Marca. Madrid, España. 30 de setembro de 2009. Consultado o 17 de outubro de 2009.
- ↑ Walter Zimmermann (5 de outubro de 2009). "¡Felicidades, David!". Mundo Deportivo. Consultado o 16 de xullo de 2010.
- ↑ [1]
Véxase tamén[editar | editar a fonte]
Ligazóns externas[editar | editar a fonte]
|
