David Rodríguez Estévez
  | |
| Biografía | |
|---|---|
| Nacemento | 1978 (45/46 anos) Manzaneda, España |
| Alcalde de Manzaneda | |
| 2017 – 2020 | |
| Alcalde de Manzaneda | |
| 2009 – | |
| Datos persoais | |
| País de nacionalidade | España |
| Actividade | |
| Lugar de traballo | Manzaneda |
| Ocupación | político , Bombeiro |
| Partido político | Bloque Nacionalista Galego (2009–) En Marea |
| Lingua | Lingua castelá e lingua galega |
David Rodríguez Estévez, nado en Manzaneda en 1978, é un músico e político galego de En Marea.
Traxectoria[editar | editar a fonte]
Operario do servizo de prevención e extinción de incendios, empezou a militar en Galiza Nova aos 18 anos, ao mesmo tempo que entraba na banda Cuchufellos. Formou parte das lista do BNG en 2007 como número dous, e chegou á alcaldía en outubro de 2009 trala dimisión por enfermidade do anterior alcalde nacionalista, Xosé Antonio Núñez Domínguez, co apoio do PSdeG-PSOE. En 2011 encabezou a lista electoral do BNG e foi reelixido alcalde cun 45% dos votos e maioría absoluta.
Trala marcha de Encontro Irmandiño do BNG en febreiro de 2012, abandonou xunto con todo o seu grupo de goberno a fronte nacionalista[1], pasando a formar parte de Anova-Irmandade Nacionalista trala súa constitución como partido en xullo de 2012. Nas eleccións municipais do 2015 encabezou a candidatura de Anova e volveu obter a alcaldía cunha ampla maioría absoluta[2]. Nas eleccións ao Parlamento de Galicia 2016 foi elixido deputado por En Marea, polo cal renunciou á alcaldía no mes de setembro.[3] Mantívose como deputado ata as Eleccións ao Parlamento de Galicia de 2020. Abandonou a primeira liña tras apoiar o líder de En Marea, Luís Villares, nos seus enfrontamentos contra o resto de partidos que levaron á ruptura da formación. Foi un dos deputados que acompañaron a Villares no seu paso ao grupo mixto en xuño de 2019.
Notas[editar | editar a fonte]
- ↑ El alcalde de Manzaneda y su gobierno abandonan el BNG, pero preservan la mayoría para seguir como independientes
- ↑ David Rodríguez: "En vez de crear actividade agraria, as administracións poñen trabas" (en castelán)
- ↑ O alcalde de Manzaneda terá que dimitir para ir nas listas de En Marea por Ourense
| Predecesor: Xosé Antonio Núñez Domínguez |
 Alcalde de Manzaneda 2009 – 2016 |
Sucesor: Félix Domínguez Cortiñas |
Véxase tamén[editar | editar a fonte]
Outros artigos[editar | editar a fonte]
Ligazóns externas[editar | editar a fonte]
- David Rodríguez, bombero, alcalde y guitarrista en El País.
- Ficha no Parlamento de Galicia Arquivado 25 de novembro de 2016 en Wayback Machine.