David Koechner

David Koechner
Nacemento	24 de agosto de 1962
Lugar	Condado de Moniteau
Nacionalidade	Estados Unidos de América
Educado en	Universidade do Missouri e Benedictine College
Profesión	humorista, actor de televisión, guionista, actor de cinema, actor de dobraxe, cantante e músico
Na rede
	[ editar datos en Wikidata ]
	v; c; e;

David Michael Koechner, nado o 24 de agosto de 1962,^[1] é un cómico e actor estadounidense. É coñecido polos seus papeis como Champ Kind nos filmes de Anchorman e como Todd Packer na serie de NBC The Office.

Koechner comezou na interpretación cando estudou comedia improvisada en Chicago en ImprovOlympic, baixo a dirección de Del Close, antes de unirse a Second City Northwest. Koechner trasladouse a Nova York en 1995, facendo numerosos números de comedia como parte de Saturday Night Live (1995–1996) e como cómico regular en Late Night with Conan O'Brien a mediados da década de 1990. En 1997, Koechner trasladouse ós Ánxeles e comezou a traballar de maneira continua en filmes e comedias de televisión, facendo as súas primeiras aparicións en filmes como Wag the Dog, Austin Powers: A espía que me achouchou e Man on the Moon.