Daniel Vega Pérez

Daniel Vega Pérez
Nacemento	4 de novembro de 1983
Lugar de nacemento	Arante
Nacionalidade	España
Ocupación	político e gandeiro
[ editar datos en Wikidata ]

Daniel Vega Pérez, nado en Arante, Ribadeo, o 4 de novembro de 1983, é un político galego que milita nas filas do Partido Popular de Galicia.

Traxectoria

Comezou os seus estudos en Ribadeo (Colexio Gregorio Sanz), continuándoos en Mondoñedo (Seminario Santa Catalina) e pasou a formarse profesionalmente como técnico agrícola no CFEA Pedro Murias de Ribadeo.

Iniciou a carreira como profesional na Cooperativa Gancobre, en Bretoña, de onde logo pasou á Asociación de Criadores de Rubia Galega (ACRUGA), colaborando con entidades diversas do sector agrogandeiro e publicando sobre temas agrarios en diversos medios de comunicación.

Política

Con 25 anos entrou nas Novas Xeracións do PP, das que chegou a presidente local en Ribadeo, provincial en Lugo e vicepresidente autonómico. Entrou como deputado no Parlamento de Galicia en 2016. Preside dende aquela a Comisión de Agricultura, Gandaría, Montes e Alimentación, e renovou a súa acta en 2020, dimitindo en xuño de 2023 para facerse cargo da alcaldía de Ribadeo.

En maio de 2019 saíu elixido concelleiro en Ribadeo, sendo portavoz do Grupo Popular. No 2023 encabeza o equipo que gana as eleccións municipais con maioría absoluta.

Predecesor: Fernando Suárez Barcia

Alcalde de Ribadeo  2023 - actualidade

Sucesor: no cargo

Véxase tamén

Ligazóns externas

• Ficha no Parlamento Galego Arquivado 16 de xullo de 2020 en Wayback Machine..