Dalia, a modista
| Dalia, a modista | |
|---|---|
| Formato | Drama |
| Desenvolvido por | CTV Televisión de Galicia |
| Dirixido por | Giselle Llanio |
| Intérpretes | María Mera David Seijo Xoán Fórneas |
| Tema de apertura | Manu Conde |
| País de orixe |  Galicia |
| Episodios | 4 |
| Emisión orixinal | |
| Canle de orixe | TVG |
| Primeiro episodio | 19 de decembro de 2016 |
| Derradeiro episodio | 9 de xaneiro de 2017 |
| Na rede | |
| https://www.agalega.gal/videos/category/14313-dalia-a-modista | |
   | |
| [ editar datos en Wikidata ] | |
Dalia, a modista é unha miniserie de televisión galega composta por 4 episodios que se emitiu na TVG entre o 19 de decembro de 2016 e o 9 de xaneiro de 2017. Está protagonizado por María Mera, David Seijo e Xoán Fórneas. Na 15ª edición dos Premios Mestre Mateo estivo nomeado en 12 categorías, gañando finalmente 4 premios,[1] á mellor interpretación feminina secundaria para Covadonga Berdiñas, mellor director artístico, mellor maquillaxe e peiteado e mellor deseño de vestiario. Ese mesmo ano tamén foi recoñecida como a mellor serie televisiva nos Premios CREA da Asociación de Directores e Realizadores de Galicia.[2][3]
Está dispoñible en liña na plataforma AGalega.[4]
Sinopse
[editar | editar a fonte]Ambientada nos anos 50 na vila de Prescedo, conta unha historia de amor, misterio e superación protagonizada por unha moza modista na procura de respostas sobre o suicidio de súa nai.[2]
Personaxes
[editar | editar a fonte]- María Mera como Dalia
- David Seijo
- Xoán Fórneas
- Cristina Collazo
- Fernando González
- Manuel San Martín
- Luísa Merelas
- Susana Sampedro
Acollida
[editar | editar a fonte]Na súa estrea na TVG, obtivo unha cota media de pantalla dun 17%, con picos do 24 por cento de share.[5] Retransmitiuse tamén noutras canles autonómicas (Aragón TV, CMMedia, Televisión Valenciana) e en Europa Europa, canle de televisión latinoamericana.[2]
Adaptación literaria
[editar | editar a fonte]A Fundación Araguaney publicou en 2022 unha adaptación como novela homónima escrita por Noe Martínez, unha das guionistas da miniserie, xunto a Eligio R. Montero e Ghaleb Jaber Martínez.[2]
Notas
[editar | editar a fonte]- ↑ culturagalega.gal, ed. (6 de marzo de 2017). "XV Mestre Mateo: A gran festa do audiovisual repartiu os seus premios". Consultado o 26 de novembro de 2024.
- ↑ 2,0 2,1 2,2 2,3 culturagalega.gal, ed. (16 de setembro de 2022). "'Dalia, a modista' pasa da televisión á literatura". Consultado o 26 de novembro de 2024.
- ↑ culturagalega.gal, ed. (6 de xuño de 2017). "O persoal do CGAI leva o Premio CREA de Honra". Consultado o 26 de novembro de 2024.
- ↑ AGalega (ed.). "Dalia, a modista na Galega". Consultado o 26 de novembro de 2024.
- ↑ gisellellanio.com (ed.). "Dalia a modista". Consultado o 26 de novembro de 2024.
