Cultura de Bélxica

Na Galipedia, a Wikipedia en galego.
Saltar ata a navegación Saltar á procura

A cultura belga involucra tanto os aspectos compartidos por tódolos belgas independentemente da lingua que falan coma as diferenzas das diferentes comunidades culturais; os flamengos e os valóns. A maioría dos belgas ven a súa cultura coma parte integrante da europea. Malia isto, os membros de cada un dos dous grupos lingüísticos principais teñen a súa propia cultura dentro da comunidade, sendo os flamengos os que están máis próximos á cultura anglosaxoa (que predomina nas ciencias, a vida profesional e a maioría dos medios de comunicación) e aos Países Baixos, mentres que os valóns francófonos centran a súa vida cultural en Francia e noutros lugares do mundo francófono.

As minorías étnicas belgas, como os xudeus, os cales formaron un compoñente da cultura flamenga, en particular a de Antuerpen, por máis de cincocentos anos, teñen culturas distintas.

Arquitectura e escultura[editar | editar a fonte]

Escaleira da Casa Tassel en Bruxelas, obra do arquitecto Victor Horta.

Dous dos maiores exemplos da arquitectura románica en Bélxica son a igrexa colexiata de Saint Gertrude, en Nivelles, e a catedral da Nosa Señora de Tournai, esta última declarada Patrimonio da Humanidade no ano 2000. Do gótico destaca a catedral de Antuerpen, a máis grande do país, construída entre os séculos XIV e XVI.

A arquitectura Art Noveau posúe grandes representantes nados en Bélxica, como Victor Horta ou Henry Clément van de Velde.

Pintura[editar | editar a fonte]

Dos pintores nados en Bélxica e recoñecidos internacionalmente destacan René Magritte, Paul Delvaux, James Ensor, Félicien Rops ou Léon Spilliaert.

Museos[editar | editar a fonte]

Fachada principal dos Museos Reais de Belas Artes de Bélxica.

Algúns dos museos máis importantes de Bélxica son o Museo Real de Belas Artes de Amberes, que ten unha gran colección de obras de Peter Paul Rubens; o Groeningemuseum, en Bruxas; o MAS (Museo Aan De Stroom), localizado en Antuerpen, o maior museo da cidade, e os Museos Reais de Belas Artes de Bélxica en Bruxelas, o cal posúe unha gran colección de René Magritte.[1]

Cine[editar | editar a fonte]

O cine belga foi galardoado varias veces no Festival de Cine de Cannes e outros menos coñecidos. As películas belgas son xeralmente realizadas con un orzamento reducido, sendo financiadas principalmente polos gobernos rexionais (Vlaams Audiovisueel Fonds e Wallimage, entre outros) e corporacións privadas mediante o patrocinio e a colocación de produtos.

Música[editar | editar a fonte]

Moitos compositores clásicos importantes naceron en Bélxica. Un dos máis famosos é César Franck aínda que tamén son dignos de mención Henri Vieuxtemps, Eugène Ysaÿe, Guillaume Lekeu e Wim Mertens. Moitos grandes compositores medievais e renacentistas, como Gilles Binchois, Orlando di Lasso, Guillaume Dufai, Heinrich Isaac e Jacob Obrecht naceron na zona que agora é Bélxica, e pertencen á chamada escola franco-flamenga.

No actual territorio de Bélxica (no seu momento o Primeiro Imperio Francés) naceu Adolphe Sax, coñecido principalmente pola invención do saxofón, amais de contribuír ao desenvolvemento do clarinete baixo.

O país tamén é o fogar dalgúns festivais de música moi coñecidos coma Tomorrowland, Rock Werchter ou Pukkelpop.

Banda deseñada[editar | editar a fonte]

Cómics en varias linguas de Tintín, o personaxe máis coñecido de Hergé.

Bélxica é un dos centros máis importantes de Europa en canto a produción de cómics se refire, sendo Hergé o autor máis coñecido, grazas ao seu personaxe Tintín. Outros autores destacados son Edgar P. Jacobs, Peyo (Os pitufos), André Franquin, Philippe Geluck, Jean-Claude Servais e François Schuiten.

Gastronomía[editar | editar a fonte]

A gastronomía do país está moi influenciada pola cociña francesa. Con frecuencia afírmase que Bélxica é unha nación de Gourmands e non de Gourmets, o que traducido quere dicir que prefiren a «gran cociña» en lugar da fine cuisine. É un dito no país que se serve a cantidade de Alemaña coa calidade de Francia.

Notas[editar | editar a fonte]

  1. "Magritte Museum" (en neerlandés). 

Véxase tamén[editar | editar a fonte]

Outros artigos[editar | editar a fonte]