Cruceiro Almirante Cervera
O Cruceiro Almirante Cervera foi un buque lixeiro da Armada Española, botado en Ferrol en 1928 e retirado en 1965.
O cruceiro tiña 172,62 metros de eslora, 16,61 m de babor a estribor e 5,03 m de calado. Fornecido con distintos tipos de canóns e con capacidade para unha tripulación de 566 mariñeiros, o Almirante Cervera era moi semellante a dous buques do seu tempo, o Galicia e o Miguel de Cervantes.
Participou nos bombardeos de Xixón na guerra civil.[1]
Nel estivo enrolado o escritor galego Enrique Vigo Teijeiro. Durante a guerra civil o Almirante Cervera situouse no bando nacional. Levaba o nome do almirante español Pascual Cervera y Topete, militar que participou na guerra de Cuba.
Notas[editar | editar a fonte]
- ↑ Documentación '1936 Xixón 1937' acompañante á exposición "Gijón bajo las bombas/Xixón so les bombes", Antigo Instituto Jovellanos, Xixón 2019