Cristóbal Colón (ópera)

Cristóbal Colón; Cristovo Colón
Forma	Ópera
Actos e escenas	2 actos
Idioma orixinal do libreto	Castelán
Libretista	Antonio Gala
Estrea	24 de setembro de 1989
Teatro da estrea	El Liceu
Lugar da estrea	Barcelona
Música
Compositor	Leonardo Balada
Personaxes
	Cristóbal Colón (tenor); Raíña Isabel (soprano); Beatriz, amante de Colón (mezzosoprano); Pinzón (barítono); Rei Fernando (barítono)

Cristóbal Colón (en galego Cristovo Colón) é unha ópera en dous actos con música do compositor catalán Leonardo Balada e libreto en castelán de Antonio Gala. Esta ópera foi encargada polo goberno español para conmemorar o quinto aniversario do descubrimento de América, tendo un grande éxito de crítica, chegando a dicir da mesma que "é unha partitura pivotal no teatro lírico do noso tempo". Foi estreada no Gran Teatre del Liceu de Barcelona o 24 de setembro de 1989.

Esta ópera mostra as características estilísticas propias do autor e nela se suceden os contrastes rítmicos, harmónicos e dinámicos. Na orquestración teñen un papel fundamental as cordas e a percusión, tendo esta última unha importancia vital. Os momentos máis destacados son as arias do tenor "Salve Reina del mundo" (1º acto) e "Converso me llamaste" (2º acto).

A acción da ópera ten lugar a bordo da Santa María, e mediante o emprego do flash-back nárrase a primeira viaxe de Colón ás Indias ata chegar ao momento do descubrimento.

Bibliografía[editar | editar a fonte]

Keith Anderson, La Ópera de la A a la Z, Naxos (2002)