Coroa de Bohemia e Moravia

Na Galipedia, a Wikipedia en galego.

Un billete dunha coroa de 1939 co cuño do protectorado.

Moeda de 10 Haleru.

A Coroa de Bohemia e Moravia foi a moeda oficial durante o establecemento do Protectorado de Bohemia e Moravia por parte da Alemaña Nazi, o cal estivo vixente dende o ano 1939 ó ano 1945, a coroa era tamén coñecida coma a Coroa do Protectorado (en checo: Protektorátní koruna), que estaba subdividida en 100 haléřů.

Moedas[editar | editar a fonte]

Artigo principal: Moedas de Bohemia e Moravia.

No que se refire as moedas, estas foron acuñadas entre os anos 1940-1944, cuns valores de 10, 20, 50 haleru e 1 koruna, esta última comezouse a acuñar a partir do ano 1941 ata o 1944. Estaban feitas totalmente de cinc, de xeito semellante a outras moedas acuñadas nos territorios ocupados polo réxime nazi. Os deseños dos reversos eran moi semellantes ós das moedas checas previas.

Billetes[editar | editar a fonte]

Artigo principal: Billetes de Bohemia e Moravia.

Os billetes da R. de Checoslovaquia de 1 e 5 korun foron selados cun cuño do protectorado e a partir do 9 de febreiro de 1940 comezaría a emisión de billetes ordinarios.[1] Despois do selado inicial, o goberno fixo tiradas regulares de 1, 5, 50 e 100 korun no ano 1940, 10 korun no 1942, e 20 e 50 korun en 1944. O Nationalbank für Böhmen und Mähren en Praga (Banco Nacional de Bohemia e Moravia en Praga) introduciu billetes de 500 e 1.000 korun no ano 1942, e xa no ano 1943 introduciría billetes checoslovacos de 5.000 korun sobreimpresos. A partir de 1944, o Banco Nacional imprimiría billetes ordinarios de 5.000 korun.

Notas[editar | editar a fonte]

  1. Linzmayer, Owen (2011). "Bohemia and Moravia". En BanknoteNews.com. The Banknote Book. San Francisco, CA. Consultado o 2011-08-21. 

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]

Ligazóns externas[editar | editar a fonte]