Coregonus lavaretus

Na Galipedia, a Wikipedia en galego.

Coregonus lavaretus
Sik, Iduns kokbok.jpg
Estado de conservación
Vulnerable
Vulnerable[1]
Clasificación científica
Reino: Animalia
Filo: Chordata
Subfilo: Vertebrata
Clase: Actinopterygii
Subclase: Neopterygii
Infraclase: Teleostei
Superorde: Protacanthopterygii
Orde: Salmoniformes
Familia: Salmonidae
Subfamilia: Coregoninae
Xénero: Coregonus
Especie: C. lavaretus
Nome binomial
Coregonus lavaretus
(Linnaeus, 1758)
Sinonimia
Véxase o texto

Coregonus lavaretus é unha especie de peixes osteíctios da orde dos salmoniformes, familia dos salmónidos, subfamilia dos coregoninos e xénero Coregonus,[2][3][4] do que é a súa especie tipo.

Taxonomía[editar | editar a fonte]

Descrición[editar | editar a fonte]

A especie foi descrita por Linneo na 10ª edición do seu Systema Naturae baixo o nome de Salmo lavaretus.[2][3][4]

Sinónimos[editar | editar a fonte]

Ademais de polo seu nome actualmente válido, a especie coñeceuse polos sinónimos:[2]

  • Coregonus dispersus cognatus Fatio, 1885
  • Coregonus lavaretus lavaretus (Linnaeus, 1758)
  • Coregonus lavaretus maraenoides Berg, 1916
  • Coregonus polcur brachymystax Smitt, 1883
  • Coregonus rondeletii Valenciennes, 1848
  • Salmo lavaretus Linnaeus, 1758 (protónimo)

Características[editar | editar a fonte]

Nun acuario

Hai moitas diferenzas entre as diversas formas de Coregonus pero, en xeral, teñen un corpo afilado, un maxilar superior lixeiramente sobresaínte e unha aleta dorsal carnosa, típica dos salmónidos.
O fociño é curto e afiado, feito que distingue a esta especie das outras dúas especies de Coregonus do norte de Europa, Coregonus albula e Coregonus peled. O primeiro ten un maxilar inferior protuberante, mentres que, no segundo, ambos os maxilares teñen a mesma lonxitude.
O dorso de Coregonus lavaretus é de cor verde azulada ou apardazada, os flancos son prateados e o ventre branco. As aletas son de cor gris escura.
Raramente alcanza máis de 55 cm de longo ou supera os 2 kg de peso.[5]

Bioloxía[editar | editar a fonte]

Endémico dos lagos Bourget e de Aiguebelette, na conca do río Ródano, en Francia, hai tempo tamén se encontraba no lago Léman.[1]

Coregonus lavaretus aliméntase principalmente de invertebrados que habitan no fondo, ou de zooplancto. Os espécimes máis grandes tamén consomen insectos que viven na superficie da auga e de alevíns. A reprodución realízase no outono, entre setembro e novembro, dependendo en gran medida da temperatura da auga.[5]

Estado de conservación[editar | editar a fonte]

A Unión Internacional para a Conservación da Natureza e dos Recursos Naturais, tendo en conta que especie extinguiuse no lago Léman a principios do século XX e, aínda que non hai ameazas actuais nin futuras para a especie nos pequenos lagos Bourget e Aiguebelette, pero que a introdución de coregónidos alóctonos é unha ameaza potencial, cualifica o seu status como VU (vulnerábel).[1]

Notas[editar | editar a fonte]

  1. 1,0 1,1 1,2 Freyhof, J. & Kottelat, M. (2008): Coregonus lavaretus na Lista vermella da UICN. Verisón 2021-3. Consultada o 7 de marzo de 2022.
  2. 2,0 2,1 2,2 Coregonus lavaretus (Linnaeus, 1758) no WoRMS. Consultado o 7 de marzo de 2022.
  3. 3,0 3,1 Coregonus lavaretus (Linnaeus, 1758) no GBIF. Consultado o 7 de marzo de 2022.
  4. 4,0 4,1 Coregonus lavaretus (Linnaeus, 1758) no BioLib. Consultado o 7 de marzo de 2022.
  5. 5,0 5,1 Whitefish. Coregonus lavaretus en NatureGate. (en inglés). Consultado o 9 de marzo de 2022.

Véxase tamén[editar | editar a fonte]

Bibliografía[editar | editar a fonte]

Outros artigos[editar | editar a fonte]