Copa (botánica)

Para outras páxinas con títulos homónimos véxase: Copa (homónimos).

Copa dunha árbore.

En botánica denomínase copa dunha planta á parte superior dunha árbore ou dun arbusto, formada polo caule e o conxunto das pólas, incluíndo as follas, e as estruturas reprodutivas.

Nas especies caducifolias tamén se denomina copa ao tronco e ramas desprovistas de follas.

Etimoloxía

O termo copa procede do latín vulgar cuppa, e este do latín cásico cūpa, -ar, "cuba", "barril", "tonel".

Características

As formas das copas son moi variábeis. Os principais tipos de árbores son de hábito excurrente con ramificación en formas conoides, ou decurrente, que dá lugar a formas arredondadas. Tamén se poden caracterizar pola súa anchura, profundidade, área superficial, volume e densidade.

As medicións das copas son importantes na cuantificación e cualificación da sanidade vexetal, etapas de crecemento e eficiencia.

As principais funcións da copa inclúen a asimilación da enerxía da luz, a absorción de dióxido de carbono e a liberación de oxíxeno a través da fotosíntese, a liberación de enerxía pola respiración, e o liberación de auga á atmosfera pola transpiración. Estas funcións son realizadas polas follas.

As pólas da copa proporcionan soporte mecánico para distribuír as follas de maneira eficiente e servir como condutos para os recursos (auga, nutrientes) para realizar estas funcións.

Galería de imaxes

• 

  Copa dun carballo, Quercus robur, grande e vello (unha carballa), en inverno, en Sarria, Lugo

• 

  Copa dun castiñeiro, Castanea sativa, a finais do verán, cos ourizos, e as pólas que chegan ao solo

• 

  Copa da palmeira Phoenix reclinata no Parque de Castrelos, Vigo

• 

  Copa dun piñeiro bravo (Pinus pinaster)

• 

  Copas de piñeiros mansos
  (Pinus pinea)

• 

  Copas de bidueiros brancos
  (Betula pendula)

Véxase tamén

Bibliografía

• Kozlowski, T.; Kramer, P. & Pallardy, S. (1991): The physiological ecology of woody plants. San Diego: Academic Press. ISBN 0-1242-4160-3.