Conversa usuario:Tfeliz

Na Galipedia, a Wikipedia en galego.
Saltar ata a navegación Saltar á procura
Arquivo de mensaxes antigas:

Escreva ao final || Escriba ao final || Escriba al final || Write ate the bottom || Ecrivez a la fin

Día das Letras Galegas 2014, Xosé María Díaz Castro[editar a fonte]

Ola Tfeliz.

Ti que podes, non te animas a comezar fr:Xosé María Díaz Castro na Wikipedia francesa?

Graciñas. Un saúdo. --. HombreDHojalata.conversa 17 de febreiro de 2014 ás 21:24 (UTC)Reply[responder]

Mozambique[editar a fonte]

Ola,Tiberio. No artigo Mozambique, debeu quedar algo sen ligar na sección Outros artigos.MAGHOI (conversa) 31 de xullo de 2022 ás 09:55 (UTC)Reply[responder]

Correcto! Feito! Deizón! Tiberio Feliz (Déixame unha mensaxe) 31 de xullo de 2022 ás 10:07 (UTC)Reply[responder]

ca/que[editar a fonte]

Ola, TFeliz. Como vai?

Cando hai dúas opcións ortográficas (probable / probábel, todos os / tódolos, Galicia / Galiza, ca / que) adoita respectarse a forma escollida pola primeira persoa que edita un artigo. Vexo que estás a mudar de forma xenérica o termo "ca" por "que", cando ambos os dous son correctos, polo que o seu mantemento está xustificado. Un saúdo! --Estevo(aei)fálame aquí 4 de agosto de 2022 ás 12:03 (UTC)Reply[responder]

Xa procuro manter a opción do artigo, pero estou utilizando o bot Replacer e non sempre tes a visión global. Tentarei facer máis coidado! Deizón! Tiberio Feliz (Déixame unha mensaxe) 4 de agosto de 2022 ás 12:22 (UTC)Reply[responder]
Aproveito para preguntarche sobre as contraccións como ca + a, ca + o, etc. Estounas a facer. Supoño que fago ben, ou? Tiberio Feliz (Déixame unha mensaxe) 4 de agosto de 2022 ás 13:03 (UTC)Reply[responder]
Este caso é similar, poden empregarse as dúas formas: ca as / cás , ambas son válidas. Unha aperta! --Estevo(aei)fálame aquí 4 de agosto de 2022 ás 17:27 (UTC)Reply[responder]
Consultei o wikibook e non parece voluntario. Voume dedicar a otra cousa que teño moi oxidada a ortografía normativa. Deizón!! Tiberio Feliz (Déixame unha mensaxe) 4 de agosto de 2022 ás 18:17 (UTC)Reply[responder]

"ca+o" e "con+o"[editar a fonte]

Boas Tfeliz. Vexo que estás cambiando as formas "ca+a/o/as/os" por cá, có, cás, cós. Segundo as Normas Ortográficas, acentúanse para diferenciar a contracción con+o -> co, de ca+o ->có, cando se trata dunha conxunción comparativa: máis ruín ca o demo -> máis ruín có demo. Nos cambios que fixeches creo que se trata máis ben de "que+o", e para min o erro está en escribir "ca" en lugar que "que". Resumindo: confirma que os cambios que fas son correctos ou non (porque vexo casos de máis que e menos que). A miña formación non é lingüista, así que a miña opinión non vale moito. Saúdos, Pedro Lameiro (conversa) 4 de agosto de 2022 ás 17:34 (UTC)Reply[responder]

Ola Pedro. Só cambiei combinacións de 'ca' + artigo, pero xa me avisaron que parece que son voluntarias. Deizón!! Tiberio Feliz (Déixame unha mensaxe) 4 de agosto de 2022 ás 18:15 (UTC)Reply[responder]

Borrado de subpáxinas de usuario/a ou borradores[editar a fonte]

Bo día, para borrar as subpáxinas de usuario/a onde se adoita traballar na preparación dos artigos antes de movelos ao espazo principal o procedemento e inserir o modelo "lixo". Para facelo co editor visual prémese o botón inserir e na caixa de busca tecléase "lixo" e escóllese o modelo (ollo non coller o lixo/uso), logo insírese, gárdase e listo. Co editor de fonte abonda con escribir {{lixo} pechando a dobre chave final. Unha vez marcados, nalgún momento alguén da administración pasará a eliminar as subpáxinas de usuario/a. Un saúdo.-- Maria zaos (conversa) 11 de agosto de 2022 ás 16:54 (UTC)Reply[responder]

Perfecto! Deizón! Tiberio Feliz (Déixame unha mensaxe) 11 de agosto de 2022 ás 16:58 (UTC)Reply[responder]

Asociación Socio-Educativa Antonio Gandoy[editar a fonte]

Ola, TFeliz! Primeiriño de todo agradecerche todo o traballo que estas a facer coas entradas sobre educación. A min personalmente aledoume que alguén se animase a darlle un bo repasiño a esa área. Ademais aledoume ver creada a entrada de Asociación Socio-Educativa Antonio Gandoy, xa que eu creara a de Antonio Gandoy cando comecei a editar aquí (graciñas polas melloras, por certo!) Só unha cousiña: o espíritu e as normas da wikipedia esixen un ton enciclopédico que se alonxe da promoción e baseado en fontes fiables. Por esta razón suxeriríache unha redacción algo máis neutra na introdución, en concreto nesta frase "'...o compromiso firme coa lingua, a cultura, a contorna e o saber propios dos cativos e cativas como referencias imprescindíbeis para o desenvolvemento da personalidade" A razón é que inclúe un xuízo de valor sen achegar referencia ningunha. Se é que tes unha fonte fiable( preferiblemente independente á asociación, pero podería figurar así nos estatutos, por exemplo) que afirme exactamente isto mesmo, pois pona como referencia. Se non existisen esas referencias sería recomendable darlle unha voltiña lixeira á frase para que non se inteprete como un texto promocional. Un saúdo e a seguir!- Maria zaos (conversa) 11 de agosto de 2022 ás 21:34 (UTC)Reply[responder]

Ola María. Esas palabras están tomadas da páxina da asociación. Vouno reformular. Deizón. Tiberio Feliz (Déixame unha mensaxe) 11 de agosto de 2022 ás 22:27 (UTC)Reply[responder]