Conversa:Punta Candeeira, Cervo, Cedeira

Untitled

Segundo o carteliño da esquerda desta imaxe: https://gl.wikipedia.org/wiki/Ficheiro:Faro-punta-candieira-cervo-cedeira.jpg, o nome é "Faro de punta Candieira" e na descrición da imaxe pon o mesmo. --Isili0n (conversa) 14 de setembro de 2015 ás 13:04 (UTC)

As parroquias e lugares dos artigos levan o nome que indica o Nomenclátor da Xunta, se hai outros nomes, con referencias, para o mesmo sitio entón hai que engadilo pero non cambialo, xa que o nome oficial (mentres non o cambien) é o que teñen eles.

Cando teña un momento revisarei isto máis a fondo, agora teño que marchar. Saúdos, --Elisardojm (conversa) 14 de setembro de 2015 ás https://gl.wikipedia.org/wiki/Usuario:Isili0n13:24 (UTC)

Isili0n, engadín o nome Candieira cunha referencia a TurGalicia. Saúdos, --Elisardojm (conversa) 16 de setembro de 2015 ás 10:57 (UTC)

Elisardojm, continúo estando en desacordo e opino que o único topónimo correcto é Candieira. A maioría de páxinas na rede teñen o nome de "Punta Candieira", mesmo o propio concello de Cedeira: http://www.cedeira.es/cedeira/index.php/gl/conecer-cedeira/turismo-2/144-punta-candieira-o-fin-do-mundo --Isili0n (conversa) 16 de setembro de 2015 ás 16:22 (UTC)

A referencia é insuficiente, na mesma páxina de Turgalicia abaixo en lugar aparece o topónimo oficial, non se pode engadir un topónimo por unha referencia tan feble, que podería ser polo gusto de quen fixo a páxina ou mesmo un erro.--HacheDous=0 (conversa) 16 de setembro de 2015 ás 13:52 (UTC)

Polo que estiven vendo pola rede parece que se alternan as dúas proncuncias entre a xente da zona, Candeeira e Candieira, e simplemente se elixiu unha como a forma oficial, quizais por estar máis próxima ao étimo orixinal (se procede do latín). Supoño que casos deses habería a esgalla cando se comezou a desfacer a deturpación dos topónimos.--HacheDous=0 (conversa) 16 de setembro de 2015 ás 14:10 (UTC)

Eu creo que o que hai que facer cando un topónimo oficial non ten practicamente uso (por exemplo en internet hai 400 referencias a punta Candeeira e 28.000 a Punta Candieira), e si o ten outra variedade tamén galega, é algo que se case sería mellor falar na Taberna, é algo que vai máis alá deste caso concreto.--HacheDous=0 (conversa) 16 de setembro de 2015 ás 16:32 (UTC)

En definitiva eu concordo en que Punta Candieira é unha forma galega e que é a que se usa, o que se pode comprobar polas poucas mencións en internet do lugar coa forma oficial, e que se ten que recoller no artigo, ao que me opoño son as referencias que se empregaron, unha páxina de Turgalicia que se a admitimos como criterio de autoridade tamén teríamos que admitir a forma deturpada "Punta Candelaria" que aparece un pouco máis abaixo. E a páxina web do concello que tampouco ten interese en respectar o resto dos topónimos oficiais, e emprega "San Andrés de Teixido", xa por non falar da calidade do galego utilizado.--HacheDous=0 (conversa) 16 de setembro de 2015 ás 17:38 (UTC)

Isili0n (e por seguimento do tema HacheDous=0 tamén), o artigo debe levar o nome oficial que consta no Nomenclátor da Xunta, o máis que podemos facer é engadir outros nomes correctos e referenciados, e foi o que fixemos. Se hai algún erro no Nomenclátor, o lugar para tratalo é no departamento correspondente da Xunta de Galicia.

O que fixen agora, a maiores, foi crear unha redirección dende Punta Candieira para que se poida usar tamén coma ligazón interna nos artigos. Penso que dende aquí non podemos facer máis. Saúdos, Elisardojm (conversa) 17 de setembro de 2015 ás 09:04 (UTC)

Pero sempre tendo en conta que noutros artigos a forma a empregar será a oficial.--HacheDous=0 (conversa) 17 de setembro de 2015 ás 13:58 (UTC)

HacheDous=0, se aceptamos que Punta Candieira é correcta, entón nos artigos si pode empregarse, se dicimos que non é correcta e que non pode usarse entón non ten sentido ter a redirección porque non sirve para nada e o mellor é borrala.... Saúdos, Elisardojm (conversa) 17 de setembro de 2015 ás 15:39 (UTC)

Unha cousa é que se deba mencionar no artigo como forma real, que emprega a poboación da zona e outra cousa é a forma oficial, que non mudou e só é unha. É como Cruña que é unha forma galega, que foi a máis empregada popularmente segundo publicacións acreditadas (http://illa.udc.es/rgf/pdf/RGF_12_enteiro.pdf) pero a non ser que sexa cita literal dun texto, se alguén emprega esa forma nun artigo hai que mudala á forma oficial A Coruña.--HacheDous=0 (conversa) 17 de setembro de 2015 ás 15:56 (UTC)

Por se queda dúbidas, Cruña é incorrecto como topónimo oficial pero é correcto como topónimo popular galego, é unha forma galega lexítima.--HacheDous=0 (conversa) 17 de setembro de 2015 ás 16:02 (UTC)

As normas da Galipedia son claras e rotundas,Wikipedia:Toponimia. Na toponimia de Galicia hai que empregar a forma oficial.--HacheDous=0 (conversa) 17 de setembro de 2015 ás 16:09 (UTC)

Elisardojm HacheDous=0 En canto á toponimia tanto da Punta Candieira como de San Andrés de Lonxe (Teixido), recomendaríalles a todos os "puristas" que por aquí escriben sen moito coñecemento de causa que lesen o Dicionario da Toponimia do Concello e Ría de Cedeira de Xosé Álvaro Porto da Pena. Como "medio cedeirés" que son podo falar cun certo coñecemento da toponimia do lugar. A forma "Candeeira" non se usa nin se usou nunca, nin en galego nin en castelán. É unha simple tradución inventada por algún lingüísta inspirado feita a partir da forma deturpada "Candelaria". Segundo os estudios do profesor Porto Dapena, non hai relación ningunha entre o topónimo Candieira e a familia léxica das candeas.

Como defensores da cultura galega que eu creo que son vostedes quero insistirlles na importancia de saber detectar todos os inventos dos lingüístas, que o único que fan é destruír a nosa lingua e a nosa historia. --cba2015 (conversa) 27 de novembro de 2015 ás 1:01 (UTC)

cba2015 (por referencias HacheDous=0 e Isili0n) pola política de Topónimos da Galipedia o nome do artigo debe ser o que indica o Nomenclátor da Xunta, e como xa comentei arriba, os erros que haxa hai que resolvelos no departamento correspondente. Aquí na Galipedia o máis que podemos facer é indicar outras denominacións sempre e cando haxa referencias de fontes acreditadas.

Baseándome na información que indicou cba2015 engadín un apartado "Topónimo" indicando a existencia dos dous nomes e a procedencia de cada un deles. Non podo afondar máis nese apartado porque non teño nin podo consultar o libro que se indicou, se alguén o pode consultar, quizais podería ampliar un pouco esa sección e dar máis detalles do tema. Saúdos, Elisardojm (conversa) 27 de novembro de 2015 ás 11:30 (UTC)

Elisardojm Seguindo ese protocolo polo cal o nome de artigo debe corresponderse co do Nomenclátor, o artigo referido ó Castro de Santa Tegra debería levar este nome. Non entendo por que este protocolo se aplica según pareza a cada un. --Cba2015 (conversa) 29 de novembro de 2015 ás 18:46 (UTC)

Cba2015, no artigo do castro de Santa Trega, tal como se referencia no mesmo, no DOG onde se publicou o Nomenclátor indícase que o nome é Trega. E volvemos outra vez á Xunta, no 2011 dixeron que era un erro e que tiñan que cambiar o Nomenclátor pero hoxe aínda está sen amañar.

Neste caso, no DOG aparece Punta Candeeira. Saúdos, Elisardojm (conversa) 30 de novembro de 2015 ás 12:06 (UTC)

Ligazóns externas modificadas (febreiro 2019)

Ola compañeiros editores,

Acabo de modificar 1 ligazóns externas en Punta Candeeira, Cervo, Cedeira. Por favor tomádevos un momento para revisar a miña edición. Se tedes calquera pregunta, ou precisades que o bot ignore ben estas ligazóns ou ben a páxina por completo, por favor visitade este FAQ para máis información. Fixen os seguintes cambios:

• Engadiuse o arquivo https://web.archive.org/web/20151021054915/http://www.cedeira.es/cedeira/index.php/gl/conecer-cedeira/turismo-2/144-punta-candieira-o-fin-do-mundo á ligazón http://www.cedeira.es/cedeira/index.php/gl/conecer-cedeira/turismo-2/144-punta-candieira-o-fin-do-mundo

Por favor revisade o FAQ para máis información sobre como corrixir erros do bot.

Saúdos.—InternetArchiveBot (Informar de erros) 20 de febreiro de 2019 ás 08:49 (UTC)