Conversa:Bufo

Na Galipedia, a Wikipedia en galego.
Saltar ata a navegación Saltar á procura

Untitled[editar a fonte]

Podería alguén borrar este artigo? O seu contido xa se atopa en Estrixiformes.--Hugo22 21:04, 16 febreiro 2010 (UTC)


Copio aquí a edición de Xoio en Moucho porque vou borrar esa páxina. Pedro --Lameiro (conversa) 19:15, 30 de setembro de 2012 (UTC)

Non habería que fusionar este artigo co case idéntico titulado Bufo? Ambos os dous comezan:

  • "Un bufo é calquera das máis de 200 especies de aves de rapina nocturna solitaria (sic) do (sic) orde dos Strigiformes. (...)"
  • "Un moucho é calquera das máis de 200 especies de aves de rapina nocturnas solitarias da orde dos Strigiformes. (...)"

E ambas as dúas están ilustradas coa mesma foto que, na primeira, é o Bufo manchado norteño e, na segunda, o Moucho manchado norteño (a foto é a mesma, e a ave representada é Strix occidentalis caurina, unha subespecie de moucho norteamericano —como se non houbera mouchos, e bufos, galegos—; é como se a páxina vaca estivese ilustrada cunha foto dun cebú brasileiro).

Por outra parte, en ambas as páxinas, na clasificación científica (que vén debaixo da foto), faise a clasificación... da orde dos estrixiformes que é a orde que comprende, entre outros, a bufos e mouchos, como vemos en dita páxina (casualmente ilustrada con tan exótico moucho):

  • "A orde das estrixiformes ou aves rapaces nocturnas comprende á familia Tytonidae (curuxas) e a familia Strigidae que inclúe bufos, curuxas, mouchos, tecolotes, mouchos de orellas, avelaionas, ñacurutús e chunchos. (...)"

Daquela, tamén habería que fusionar con aquelas dúas esta terceira páxina e, despois, cando quedaran libres os títulos, abrir unhas pequenas páxinas para explicar o que son os bufos e mais os mouchos, e retocar as páxinas Estrixiformes, moucho de orellas (só hai un), avelaionas (só hai unha), suprimir tecolotes, ñacurutús e chunchos, facer a páxina titónidos (Tytoniade), que á familia das curuxas... en fin, ordenar un pouco as cousas. --XoioÉche o que hai 00:15, 30 de setembro de 2012 (UTC)


Borrei Moucho aplicando o principio de prioridade. Bufo foi creado por Xoán Carlos Fraga, editor habitual, o 1.12.2005, a partir dunha tradución da es:wiki. Moucho foi creado pola IP anónima 88.7.224.118 o 24.10.2007, den indicar a orixe; foi a súa última contribución (a primeira foi unha semana antes). Tendo en conta que o contido é o mesmo, coa única diferenza de que nun caso atribúe toda a información ó bufo e noutro ó moucho, non é preciso fusionar historiais. Agora, Xoio, queda da túa man para que fagas as correccións e melloras que indicas e máis que se che vaian ocorrendo. Claro que quizais sexa mellor solución levar a información deste bufo ó artigo Estríxidos, non sei, pero nese caso si que habería que fusionar historiais, algo que eu non sei facer. Saúdos, Pedro --Lameiro (conversa) 19:24, 30 de setembro de 2012 (UTC)

Páxina duplicada[editar a fonte]

Esta páxina fala dos Estrinxídeos, que ten xa unha páxina propia. Debería fusionarse con aquela.

Alén diso, esta páxina parte da incorrección de que bufo é o nome común dos Estrinxídeos, cousa que non é así. Ninguén diría que un moucho ou unha curuxa son bufos. AmilGZ (conversa) 11 de decembro de 2019 ás 09:52 (UTC)