Conferencia Xeral de Pesos e Medidas

Conferencia Xeral de Pesos e Medidas
Acrónimo	CGPM e CGPM
Tipo	organización intergobernamental
Área de operación	Países acollidos ao Sistema métrico decimal
Data de fundación	1875
Sede	Metrópole da Grande Paris
Na rede
	https://www.bipm.org/ e https://www.bipm.org/fr/
	[ editar datos en Wikidata ]

A Conferencia Xeral de Pesos e Medidas (en francés: Conférence générale des poids et mesures (CGPM)) é o órgano de decisión da Oficina Internacional de Pesos e Medidas.^[1]

Ten ao seu cargo tomar decisións en materia de metroloxía e, en particular, no que concirne ao Sistema Internacional de Unidades.

Foi creada pola Convención do Metro, en 1875.

Está integrada polos delegados dos Estados membros da Convención do Metro e os Estados asociados, e reúnese unha vez cada 4 anos. A primeira conferencia tivo lugar en 1889, e as catro últimas en 2007 (23.ª), 2011 (24.ª), 2014 (25.ª) e 2018 (26.ª).

As reunións lévanse a cabo nas instalacións da Oficina Internacional de Pesos e Medidas situadas na cidade de Sèvres, un suburbio de París.

Para realizar a conferencia, os delegados baséanse nos informes do Comité Internacional de Pesos e Medidas.

En 1960, na undécima CGPM, o sistema de medidas, primeiro coñecido como Sistema métrico decimal e máis tarde, pola súa ampliación, coñecido como sistema MKS, foi chamado oficialmente Sistema Internacional de Unidades.