Conde Drácula é un personaxe ficticio e o principal antagonista da novela de terror gótico de 1897 Drácula, de Bram Stoker. É considerado o vampiro prototípico e arquetípico nas obras de ficción subseguintes. É tamén descrito na novela como a orixe das lendas do lobishome.[1] Crese que algúns aspectos do personaxe foron inspirados polo príncipe do século XVVlad III o Empalador, quen era tamén coñecido como Drácula. Outros aspectos do personaxe foron engadidos ou alterados en subseguintes traballos de ficción. Posteriormente o personaxe apareceu frecuentemente como un elemento máis da cultura popular, saíndo en filmes, animacións e mesmo cereais do almorzo.
