Concello de Svalöv
Svalövs kommun (sv)  | |||||
| |||||
| Símbolo oficial | Mazarico real (Q10547420  ) | ||||
|---|---|---|---|---|---|
| Localización | |||||
| |||||
| Estado | Suecia | ||||
| Condado | condado de Escania | ||||
| Capital | Svalöv (pt) | ||||
| Poboación | |||||
| Poboación | 14.486 (2025) (37,28 hab./km²) | ||||
| Xeografía | |||||
| Parte de | |||||
| Superficie | 388,62 km² | ||||
| Comparte fronteira con | |||||
| Datos históricos | |||||
| Precedido por | |||||
| Creación | 1 de xaneiro de 1971 | ||||
| Outro | |||||
| Irmandado con | |||||
| Sitio web | svalov.se | ||||
  | |||||
Svalöv é un concello sueco no condado de Escania. A súa capital é a localidade de Svalöv.
Na parte norde do concello atópase o parque nacional de Söderåsen e a través da súa parte sur flúe o río Råån. Con todo, a superficie de Svalöv está dominada por terreo agrícola, o que tamén afecta á actividade económica local. A principios da década de 2020 a economía do concello estaba dominada por actividades relacionadas co agro. Por exemplo, a cidade central de Svalöv era un centro de investigación e desenvolvemento en biotecnoloxía e cultivo de plantas.
Dende a fundación do concello en 1971 ata principios a década de 2000 a poboación mantívose estable e posteriormente comezou a medrar ata o presente. En decembro de 2024 Svalöv tiña 14 543 habitantes.[1]
Historia administrativa
[editar | editar a fonte]A área do concello correspóndese coa das parroquias de Ask, Billeberga, Felestad, Halmstad, Konga, Kågeröd, Källs-Nöbbelöv, Norra Skrävlinge, Norrvidinge, Röstånga, Sireköpinge, Stenestad, Svalöv, Tirup e Torrlösa. Nesas parroquias fundáronse 15 concellos rurais co mesmo nome coa reforma municipal de 1862.
A localidade municipal de Svalövs estableceuse o 23 de maio de 1941 e disolveuse a finais dde 1952. A de Röstånga creouse o 15 de novembro de 1935 e desapareceu a finais de 1966. E a de Teckomatorps creouse o 24 de agosto de 1914 de durou tamén ata finais de 1966.
Coa reforma municipal de 1952 creáronse na zona seis grandes concellos: Kågeröd (a partir dos anteriores municipios de Halmstad, Kågeröd e Stenestad), Marieholm (de Reslöv, Torrlösa e Östra Karaby), Rönneberga (de Asmundtorp, Billeberga, Sireköpinge e Tofta), Röstånga (de Ask, Billinge, Konga e Röstånga), Svalöv (de Felestad, Svalöv e Tirup), e Teckomatorp (de Källs-Nöbbelöv, Norra Skrävlinge, Norrvidinge e Södervidinge).
En 1969 incorporáronse ao concello rural de Svalöv o municipio de Kågeröd e partes dos de Rönneberga (as parroquias de Billeberga e Sireköpinge), Röstånga (as parroquias de Asks, Konga e Röstånga) e Teckomatorp (as parroquias de Källs-Nöbbelövs, Norra Skrävlinge e Norrvidinge).
O actual concello de Svalövs nacería coa reforma municipal de 1971 a partir do concello rural de Svalöv e dunha parte do concello rural de Marieholm (a parroquia de Torrlösa).[2]
Xeografía
[editar | editar a fonte]O concello de Svalöv atópase no oeste do condado de Escania e limita co municipios de Bjuv, Åstorp, Klippan, Eslöv, Kävlinge, Landskrona e Helsingborg.
Notas
[editar | editar a fonte]- ↑ "Folkmängd och befolkningsförändringar - Kvartal 4, 2024". Statistikmyndigheten SCB (en sueco). Consultado o 2025-03-06.
- ↑ Andersson, Per (1993). Sveriges kommunindelning 1863-1993. Mjölby: Draking. ISBN 978-91-87784-05-7.
