Sollentuna é un concello sueco no condado de Estocolmo. Ten a súa capital no distrito de Tureberg. Dende o ano 2015 a meirande parte dos edificios do municipio están incluídos no aglomerado urbano de Upplands Väsby och Sollentuna, aínda que o distrito de Sjöberg está incluído na área urbana de Estocolmo.
O concello atópase nunha paisaxe de val de fractura caracterizada por alturas cubertas de bosques de coníferas e chairas arxilosas cultivadas ou lagos nas depresións. Algo menos do 40 por cento da superficie do concello estaba edificada en 2020.
A principios da década de 2020 a economía local estaba dominada polo sector público e por empresas de servizos. A súa situación na área metropolitana de Estocolmo fai que a meirande parte dos seus traballadores teñan os seus postos de traballo fóra do municipio.
Dende a fundación do concello en 1971 a súa poboación medrou considerablemente, pasando dos 37 723 habitantes en 1970 ata os 77 624 no ano 2024.[1]
