Mölndal é un concello sueco no condado de Västra Götaland.[1] A súa capital é Mölndal, que tamén é parte do núcleo urbano de Gotemburgo. En setembro do ano 2022 a poboación do municipio era de 70 292 habitantes.[2]
O concello atópase principalmente no oeste do landskap de Västergötland, estando o distrito de Lindome no norte de Halland. O municipio de Mölndal é parte da área metropolitana de Gotemburgo (Storgöteborg). O municipio limita ao sur co concello de Kungsbacka, ao noroeste co de Gotemburgo, ao norte co de Härryda, e ao leste co de Mark. A través do concello flúe o río Mölndalsån cara ao norte, onde desemboca nas canles de Gotemburgo e no Gullbergsån.
