Concello de Karlshamn
Coordenadas: 56°10′N 14°51′L / 56.167, -14.850
| Concello de Karlshamn Karlshamns kommun | |
| |
| Casa do concello | |
| |
| Escudo | |
| País |  Suecia
|
| Landskap | Blekinge |
| Condado | Blekinge |
| Capital | Karlshamn |
| Área e poboación | |
| Poboación | 32 260 habitantes |
| Censo | 2022 |
| Área | 832,74 km² |
| Densidade | 66,03 hab./km² |
| Mapa | |
| |
| Outros datos | |
| Web | karlshamn.se |
Karlshamn é un municipio sueco (kommun) do condado de Blekinge.[1] A súa capital é Karlshamn. No ano 2022 o concello tiña unha poboación de 32 260 habitantes.[2]
O municipio está na zona occidental do landskap de Blekinge. Limita ao oeste co concello de Olofström, ao suroeste co de Sölvesborg, e ao leste co de Ronneby, todos no condado de Blekinge, e ao norte co municipio de Tingsryds no condado de Kronoberg. Ao sur Karlshamn limita co mar Báltico. En dirección norte-sur flúe o río Mörrumsån, que desemboca no Báltico. No concello atópase un dos arquipélagos máis grandes de Blekinge, o arquipélago de Hällaryd.
Administración histórica[editar | editar a fonte]
A área do concello correspóndese coa das parroquias de Asarum, Elleholm, Hällaryd, Mörrum, Ringamåla e Åryd. Nesa parroquias, agás na de Ringamåla, fundáronse concellos rurais co mesmo nome durante a reforma municipal de 1862. Na zona tamén estaba a cidade de Karlshamn que en 1863 fundou un stadskommun. O municipio rural de Ringamåla fundouse en 1881 ao separarse do concello de Asarum.
Coa reforma municipal de 1952 fundáronse na zona tres grandes concellos: Hällaryd (de Hällaryd e Åryd), Asarum (pola reunificación de Asarum e Ringamåla), e Mörrum (de Elleholm e Mörrum), mentres que a cidade de Karlshamn permaneceu sen cambios.
En 1967 os concellos rurais de Asarum, Hällaryd e Mörrum incorporáronse á cidade. O concello de Karlshamn naceu coa reforma muncipal de 1971 a través da reorganización da cidade de Karlshamn.[3]
Dende a súa fundación ata o ano 2001 o concello pertenceu ao partido xudicial de Karlshamn, e dende entón pertence ao de Blekinge.[4]
Notas[editar | editar a fonte]
- ↑ "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-09-13.
- ↑ "Folkmängd i riket, län och kommuner 30 juni 2022 och befolkningsförändringar 1 januari - 30 juni 2022". Statistiska Centralbyrån (en sueco). Consultado o 2022-09-13.
- ↑ Andersson, Per (1993). Sveriges kommunindelning 1863-1993. Mjölby: Bokförlaget Draking. ISBN 91-87784-05-X. OCLC 33359784.
- ↑ "Karlshamns tingsrätt". bebyggelseregistret.raa.se. Consultado o 7 de outubro de 2022.
