Concello de Dorotea
Coordenadas: 64°16′N 16°25′L / 64.267, -16.417
| Concello de Dorotea Dorotea kommun | |
| |
| Casa do concello | |
| |
| Escudo | |
| País |  Suecia
|
| Landskap | Lappland |
| Condado | Västerbotten |
| Capital | Dorotea |
| Área e poboación | |
| Poboación | 2 456 habitantes |
| Censo | 2022 |
| Área | 2 939,86 km² |
| Densidade | 0,89 hab./km² |
| Mapa | |
| |
| Outros datos | |
| Web | dorotea.se |
Dorotea (saami meridional: Kraapohken tjïelte e ás veces Döörten tjïelte) é un municipio sueco (kommun) do condado de Västerbotten.[1] Atópase no landskap de Lappland, con pequenas partes nos de Ångermanland e Jämtland. A súa capital é Dorotea con 1 706 habitantes, sendo o seu único núcleo urbano e onde en 2015 vivía o 54,4% da poboación do concello.
As partes occidentais do municipio están formadas por montañas, mentres que as partes do sueste están formadas principalmente por marismas. A economía baséase principalmente na industria manufactureira, nas actividades públicas e na agricultura e silvicultura, aínda que o turismo está aumentando considerablemente.
Xeografía[editar | editar a fonte]
O municipio limita ao norte co concello de Vilhelmina e ao leste co de Åsele, os dous no condado de Västerbotten, e ao sur co de Sollefteå no condado de Västernorrland e o de Strömsund no condado de Jämtland.
O concello é un dos máis meridionais do condado de Västerbottens e do landskap de Lappland. Debido a iso á veces o concello é coñecido como a porta sur de Lappland.[2]
Topografía e hidrografía[editar | editar a fonte]
Os contrafortes máis orientais dos Alpes Escandinavos, así como o pico de Norra Borgafjällen, que acada os 1 477 metros sobre o nivel do mar, conforman a zona occidental do municipio. Alí o leito rochoso está formado de amfibolita, o que significa que a vexetación das rexións alpinas componse principalmente de queiroas secas. Ao leste de Borgafjället, no límite con Vilhelmina, atópase a meseta de Blaikfjället que chega aos 724 metros de altura. Na área o leito rochoso é pobre en cal e está cuberto con grandes áreas de bosque primitivo. Unha vexetación máis rica existe por exemplo na reserva natural de Månsberget e cara o lago Ormsjön. A área de morena en Rogenmorän, así como outeiros máis pequenos, atópanse entre as zonas alpinas. As partes do sueste do concello están formadas principalmente por marismas e son parte do lappmark de Åsele e tamén é unha ruta de migración para os renos en Blaikfjäll.[3]
Conservación natural[editar | editar a fonte]
No ano 2021 había 11 reservas naturais no municipio, das cales Blaikfjället e Gitsfjället eran as máis grandes e que ademais compartía co concello de Vilhelmina. A reserva de Stenbitshöjden esténdese ata o municipio de Åsele.[4] Tamén a reserva de Gäddsjömyran, que a xunta administrativa do condado de Västerbotten describe como "a paisaxe natural máis magnífico do condado", é compartida co municipio de Vilhelmina.[5] Na reserva de Arksjöberget pode atoparse unha flora moi variada.[6]
Áreas urbanas[editar | editar a fonte]
No concello de Dorotea só existe unha área urbana, Dorotea, que no ano 2020 tiña 1 320 habitantes segundo o Instituto de Estadística de Suecia.[7]
Economía e infraestruturas[editar | editar a fonte]
A meirandeparte dos empregos atópanse na capital e a economía baséase principalmente na industria manufactureira, os servizos públicos, e a agricultura e silvicultura. Unha das empresas máis grandes dentro da industria manufactureira é o fabricante de caravanas SoliferPolar, que con 75 traballadores era o principal empregador privado do concello en 2020.[8]
O número de persoas empregadas na industria manufactureira e na industria do turismo aumentou considerablemente, mentres que o número deempregados na agricultura e na silvicultura disminuíu.[9]
A estrada 45 cruza o leste do concello. A liña férrea Inlandsbanan tamén atravesa o municipio.[9] Durante o verán o tren ten unha estación no concello.[10]
Notas[editar | editar a fonte]
- ↑ "Län och kommuner i kodnummerordning". web.archive.org. 2017-05-05. Archived from the original on 05 de maio de 2017. Consultado o 2022-08-12.
- ↑ "Lapplands Sydport". Dorotea kommun (en sueco). Consultado o 2022-08-21.
- ↑ "Dorotea - Uppslagsverk - NE.se". www.ne.se. Consultado o 2022-08-22.
- ↑ "Naturområden, naturreservat". Dorotea kommun (en sueco). Consultado o 2022-09-01.
- ↑ "Gäddsjömyran". www.lansstyrelsen.se (en sueco). Consultado o 2022-09-01.
- ↑ "Arksjöberget". www.lansstyrelsen.se (en sueco). Consultado o 2022-09-01.
- ↑ "Statistiska tätorter 2020, befolkning, landareal, befolkningstäthet per tätort". Statistiska centralbyrån. Consultado o 9 de setembro de 2022.
- ↑ "Din kommun i siffror". Ekonomifakta (en sueco). Consultado o 2022-09-09.
- ↑ 9,0 9,1 "Dorotea - Uppslagsverk - NE.se". www.ne.se. Consultado o 2022-09-09.
- ↑ "Tåg". Dorotea kommun (en sueco). Consultado o 2022-09-09.
