Comac ARJ21

Comac ARJ21
Tipo	reactor rexional
Fabricante	Comac
Primeiro voo	28 de novembro de 2008
Introducido	28 de xuño de 2016
Principais usuarios	Chengdu Airlines
Produción	2007 - presente
Unidades construídas	50 (decembro de 2020)

O Comac ARJ21 Xiangfeng (chinés: 翔凤; pinyin: xiángfèng) é un reactor comercial de 78-90 asentos fabricado pola compañía estatal chinesa Comac. O desenvolvemento do ARJ21 (Advanced Regional Jet) comezou en marzo de 2002, o seu prototipo presentouse o 21 de decembro de 2007 e fixo o seu voo de estrea o 28 de novembro de 2008 en Shanghai. Reciciu o seu certificado de tipo da CAAC o 30 de decembro de 2014 e foi introducido o 28 de xuño de 2016 por Chengdu Airlines. Lembra aos McDonnell Douglas MD-80/MD-90 producidos baixo licenza na China, e conta cunha á supercrítica en frecha de 25° deseñada por Antonov e dous motores General Electric CF34 montados na parte traseira da fuselaxe.