Cola (xénero)

Na Galipedia, a Wikipedia en galego.
Saltar ata a navegación Saltar á busca

xénero Cola
C. acuminata
C. acuminata
Clasificación científica
Reino: Plantae
Subreino: Tracheobionta
División: Magnoliophyta
Clase: Magnoliopsida
Subclase: Dilleniidae
Orde: Malvales
Familia: Malvaceae
Subfamilia: Sterculioideae
Xénero: Cola
Schott & Endl.
Especies

Lista de especies de Cola

Sinonimia

Cola, un xénero de plantas fanerógamas con 163 especies, pertencente á subfamilia Sterculioideae dentro da familia Malvaceae. Comprende máis de 100 especies arbóreas nativas de África. O froito, coñecido coma noz de cola é empregado coma aromatizante e medicinal. Moitas veces as propias árbores coñécense co nome de noz de cola.

Descrición[editar | editar a fonte]

Son árbores monoicas ou dioicas de follas simples, palmatilobadas ou dixitadas, con pecíolos a miúdo provistos dun pulvínulo. Flores en acios ou panículas axilares sobre a madeira vella. Teñen o cáliz con 4-5(-7) lóbulos e carecen de pétalos. As flores masculinas con 5-12 estames dispostos en dous aneis sobre unha coroa. O froito, coñecido coma noz de cola aparece en folículo de 3-4 carpelos leñosos con dehiscencia lonxitudinal.

Usos[editar | editar a fonte]

Empréganse as sementes (noces) da árbore da cola (Cola nitida (Vent.) Schott et Endl. ou da Cola acuminata (Beauv.) Schott et Endl.), desecadas e desprovistas dos tegumentos. Da noz de cola producíase noutrora un extracto para refrescos polo seu alto contido de cafeína (até o 5 %).

En África empréganse aínda as sementes de maneira tradicional.

Principios activos[editar | editar a fonte]

Bases xánticas: cafeína (1-2,5%), vestixios de teobromina e teofilina. Taninos (5-10%): catecol, epicatecol; flobafenos, sales potásicas.

Acción farmacolóxica[editar | editar a fonte]

Estimulante do sistema nervioso central (comparábel ao café ou ), defatigante, cardiotónico, dixestivo, lipolítico, diurético.

Efectos secundarios[editar | editar a fonte]

Excitación, insomnio, taquicardia. Pode provocar sobreexcitación seguida de depresión. A noz de cola libera amodo a cafeína, polo que presenta un efecto estimulante máis suave que o café e alonga o tempo de eliminación da cafeína, o que potencia o efecto excitante das bebidas refrescantes nas que van asociados a outras drogas con bases xánticas: evitar as asociacións con café, , mate ou guaraná.

Taxonomía[editar | editar a fonte]

Foi descrito por Schott & Endl. e publicado en Meletemata Botanica 33, no ano 1832. A especie tipo é Cola acuminata (P.Beauv.) Schott & Endl.[1]

Especies seleccionadas[editar | editar a fonte]

Notas[editar | editar a fonte]

  1. "Cola (xénero)". Tropicos.org. Missouri Botanical Garden. Consultado o 10 de setembro de 2010. 

Véxase tamén[editar | editar a fonte]

Outros artigos[editar | editar a fonte]

Ligazóns externas[editar | editar a fonte]