Fortitudo Bologna

Na Galipedia, a Wikipedia en galego.
(Redirección desde «Climamio Bologna»)
Fortitudo Bologna
Información xeral
Liga Serie A2
Fundación 1932
Refundación 2013
Historia Fortitudo Bologna (1939–2012)
Cores           Branco, azul
Presidente Italia Christian Pavani
Director Italia Marco Carraretto
Adestrador Italia Jasmin Repeša
Patrocinador Lavoropiù
Himno Febbre Fortitudo
Localización
Cidade Italia Boloña, Italia
Pavillón Unipol Arena
Capacidade 10 000
Inauguración 1993
Campionatos
Liga Italia 2 (2000, 2005)
Copa Italia 1 (1998)
Supercopa 2 (1998, 2005)
fortitudo103.it

O Fortitudo Pallacanestro Bologna 103 é un equipo italiano de baloncesto da cidade de Boloña, Emilia-Romaña. Foi fundado en 1932 e é un dos principais equipos de baloncesto da cidade de Boloña xunto co Virtus Bologna, equipo co que mantén unha forte rivalidade. Actualmente compite na Serie A2, segunda categoría do baloncesto transalpino, após o seu descenso en 2022. Disputa os seus encontros no Unipol Arena, recinto con capacidade para 10 000 espectadores.

Historia[editar | editar a fonte]

O Fortitudo en gran parte da súa historia xogou un papel secundario na súa propia cidade, sendo o arquirrival da Virtus Bologna. Fortitudo gañou o seu primeiro trofeo importante en 1998: a Copa de Italia. Nesa altura comezou unha época na que o equipo se converteu nun dos máis importantes equipos italianos. De feito, chegou á final do campionato durante dez anos consecutivos (do 1997 ao 2006). Despois de tres finais e tres derrotas consecutivas, o seu primeiro campionato da chega por primeira vez en 2000. Tras outras catro finais perdidas, o seu segundo título de Liga chegou no ano 2005, grazas á vitoria por 3-1 sobre o Armani Jeans Milano na serie final, onde grazas á repetición instantánea confirmouse a canastra no último segundo do escolta panameño Rubén Douglas no cuarto partido.

Neses últimos anos entre a elite, o Fortitudo foi tamén un fixo na Euroliga. Con todo, o primeiro logro do Fortitudo nas competicións europeas foi en 1977 coa participación na final da Copa Korać contra a Jugoplastika Split. Con todo, os de Boloña perderon por 87–84 nun encontro disputado en Xénova. Xa en 1999, chegaron á Final Four da Euroliga de Múnic, onde perderon tanto na semifinal contra a Kinder Bologna e no partido polo terceiro posto contra o Olympiacos. En 2001 repetiuse a historia e volveron perder nas semifinais de novo ante a Virtus. Finalmente en 2004 conseguen chegar á final disputada no Nokia Arena, aínda que perden contra o Maccabi Tel Aviv por 44 puntos (118–74). En semifinais conseguiran derrotar ao Montepaschi Siena. Porén, tras anos nos postos máis alto da Liga, na temporada 2006−07, terminan 13º de 18 equipos despois de cambiar de adestrador tres veces. Con todo, clasificáronse para a Eurocup para a tempada 2007-08, xa que se basean no rendemento durante un período de tres anos, e as actuacións pasadas do Fortitudo víronse compensandas pola súa decepcionante campaña.

Debido a dificultades financeiras, o 14 de xullo de 2012, a Federación Italiana de Baloncesto (en italiano: Federazione Italiana Pallacanestro, FIP) fixo oficial a disolución do club e revocoulle o seu número de afiliado á mesma: o 103. Este evento marcou o final da longa historia da Fortitudo. Con todo, o 18 de xuño de 2013, un grupo de empresarios locais, profesionais e seareiros fundaron un novo club, sucesor espiritual a imaxe e semllanza do anterior: o Fortitudo Bologna 103. Comezando desde a cuarta división DNB, o novo Fortitudo consegue regresar á Serie A2 na temporada 2015−16. Na temporada 2018−19 o equipo consegue regresar á elite tras acadar o ascenso á Serie A.

Patrocinadores[editar | editar a fonte]

  • Cassera Bologna (1966–68)
  • Eldorado Bologna (1968–71)
  • Alco Bologna (1971–78)
  • Mercury Bologna (1978–80)
  • I&B Bologna (1980–81)
  • Lattesole Bologna (1981–83)
  • Yoga Bologna (1983–88)
  • Arimo Bologna (1988–90)
  • Aprimatic Bologna (1990–91)
  • Mangiaebevi Bologna (1991–93)
  • Filodoro Bologna (1993–95)
  • Teamsystem Bologna (1995–99)
  • Paf Wennington Bologna (1999-01)
  • Skipper Bologna (2001–04)
  • Climamio Bologna (2004–07)
  • UPIM Bologna (2007-08)
  • GMAC Bologna (2008-09)
  • Amori Bologna (2009–10)
  • Tulipano Impianti Bologna (2013–14)
  • Eternedile Bologna (2014–16)
  • Kontatto Bologna (2016–17)
  • Consultinvest Bologna (2017–18)
  • Lavoropiù Fortitudo Bologna (2018–19)
  • Fortitudo Pompea Bologna (2019–20)
  • Lavoropiù Fortitudo Bologna (2020– )

Palmarés[editar | editar a fonte]

Competicións europeas[editar | editar a fonte]

  • Euroliga
    • Subcampións (1): 2004
  • Copa Korać
    • Subcampións (1): 1977

Competicións domésticas[editar | editar a fonte]

  • Liga de Italia
    • Campións (2): 2000, 2005
    • Subcampións (8): 1996, 1997, 1998, 2001, 2002, 2003, 2004, 2006
  • Copa de Italia
    • Campións (1): 1998
    • Subcampións (1): 1968
  • Supercopa de Italia
    • Campións (2): 1998, 2005

Véxase tamén[editar | editar a fonte]

Ligazóns externas[editar | editar a fonte]