Clanes

Clanes
Instancia de serie de televisión
Características  Xénero artístico xénero policial de suspense drama televisivo  Lingua orixinal lingua castelá
Implicados  Creador/a Jorge Guerricaechevarría  Director/a Roger Gual Marc Vigil (en)  Compositor/a Sergio Moure de Oteyza  Guionista Jorge Guerricaechevarría  Elenco Clara Lago Francesc Garrido Tomás del Estal (pt) Chechu Salgado Monti Castiñeiras Miguel de Lira Xosé Antonio Touriñán Diego Anido Tamar Novas Luis Zahera  Compañía produtora Vaca Films  Emisora orixinal Netflix
Datas  Data de comezo 21 de xuño de 2024 3 de abril de 2026
Cifras e dimensións  Número de episodios 8 6  Número de tempadas    2
Localización  País de orixe España
Fontes e ligazóns
Wikidata

Clanes é unha serie de televisión por internet española de thriller e drama romántico creada e escrita por Jorge Guerricaetxevarría e dirixida por Roger Gual para Netflix. Está producida por Vaca Films e protagonizada por Clara Lago e Tamar Novas. Estreouse o 21 de xuño de 2024 a primeira tempada e o 3 de abril de 2026 a segunda.

Primeira tempada

Trama

Ana (Clara Lago) é unha avogada que, logo da morte do seu pai, se establece na vila de Cambados. Alí establece contacto con Daniel (Tamar Novas), fillo dun importante narcotraficante e cabeza visible do «clan dos Padín», mentres o seu pai permanece en prisión. Ana, con ampla experiencia nun dos mellores bufetes de Madrid, decidiu empezar de cero en Cambados coa intención de saldar contas co seu pasado.

Escenarios

A serie foi rodada na súa maioría na Ría de Arousa: Cambados, Vilagarcía, Illa de Arousa... Tamén en Pontevedra e algún momento en Madrid, Porto...

Elenco

• Clara Lago como Ana González Soriano
• Tamar Novas como Daniel Padín
• Xosé Antonio Touriñán como Nilo
• Melania Cruz como Laura Silva Figaredo
• Francesc Garrido como Naranjo
• Miguel de Lira como José Padín
• Nuno Gallego como Marco
• Tomás del Estal como Nazario
• Diego Anido como Samuel
• Chechu Salgado como Toño
• Marta Costa como María
• Monti Castiñeiras como Silva
• Cris Iglesias como Torres
• Pepo Suevos
• Xose Esperante como Muñiz
• Marisol Membrillo como Teresa Soriano
• Alicia Armenteros como Rosa
• Marta Torné como Marta
• Lucía Veiga como Natalia
• Xerardo Salgado como Moncho
• Isabel Naveira
• Tito Refoxo como Cañizo
• Pablo Vázquez como Carmelo
• Roque Ruiz como Martos
• Julius Cotter como Sandro
• Gonzalo Uriarte como Amado
• María Pujalte como Berta Figaredo

Episodios

N.º (serie)	Título	Director(es)	Guionista(s)	Data de estrea
1	"Episodio 1"	Roger Gual	Jorge Guerricaechevarría	21 de xuño de 2024
Cando o seu pai é asasinado, Ana trasládase a Galicia para investigar pola súa conta o seu pasado. Axiña coñece a Daniel, o herdeiro dun emporio de drogas.
2	"Episodio 2"	Roger Gual	Jorge Guerricaechevarría	21 de xuño de 2024
Os Padíns queren manter a Marco fóra do negocio. Despois de chegar a un acordo con Daniel, Ana comeza a investigar as súas múltiples empresas sombrías.
3	"Episodio 3"	Roger Gual	Jorge Guerricaechevarría	21 de xuño de 2024
Durante unha luxosa viaxe de negocios con Daniel, Ana ten un duro encontro con José Padín. A relación de Marco e María suscita preocupación entre o clan.
4	"Episodio 4"	Roger Gual	Jorge Guerricaechevarría	21 de xuño de 2024
A liberación de Samuel intensifica as tensións e redobra a investigación policial. Ana axuda na seguinte operación do clan sen perder de vista o seu plan inicial.
5	"Episodio 5"	Roger Gual	Jorge Guerricaechevarría	21 de xuño de 2024
José Padín volve ao centro de atención por casualidade. Un tiroteo pon a cidade patas arriba e obriga a Ana a emprender unha misión en nome de Daniel.
6	"Episodio 6"	Roger Gual	Jorge Guerricaechevarría	21 de xuño de 2024
Mentres Daniel inclúe a Ana nos seus plans de futuro, Nazario afonda no pasado do avogado. Os Padíns descobren que hai un snitch entre as súas filas.
7	"Episodio 7"	Roger Gual	Jorge Guerricaechevarría	21 de xuño de 2024
Todo está preparado para a grande operación. Os segredos seguen aflorando e o pánico agarra a Ana nun intento de alertar a Daniel... antes de que sexa demasiado tarde.

Produción

O 23 de maio de 2023 Netflix anunciou que comezara a rodaxe dunha nova serie sobre narcotráfico, titulada Clanes, creada e escrita por Jorge Guerricaechevarría, dirixida por Roger Gual, protagonizada por Clara Lago e Tamar Novas e producida por Vaca Films. A rodaxe da serie tivo lugar en diversas localizacións de Galicia, Málaga, Xibraltar, Alxeciras, Madrid, Porto e Senegal.

Lanzamento e mercadotecnia

O 6 de maio de 2024 Netflix lanzou o teaser de Clanes e programou a súa estrea para o 21 de xuño de 2024. O 4 de xuño de 2024, Netflix lanzou o tráiler da serie.

Esta serie española foi a serie en lingua non inglesa máis vista na plataforma durante a súa semana de estrea, acadando o número 1 en 28 países e o Top 10 en 82 países.

Segunda tempada

A segunda tempada, de seis capítulos, estreouse o 3 de abril de 2026. A segunda tanda tamén debutou con forza, posicionándose xa como o Top 1 máis visto en España.

Trama

Tres anos despois, Ana e Daniel intentan reconstruír as súas vidas, pero o narcotráfico volve a unilos, colocándoos en bandos opostos. Daniel acepta embarcarse nunha última viaxe para axudar ao seu pai, mentres que Ana regresa a Cambados para traballar co clan rival dos Padín. Con decisións que ameazan con destruílo todo, ambos arriscan o futuro do clan e a súa propia relación.

Elenco

Os episodios foron escritos por Jorge Guerricaechevarría e dirixidos por Marc Vigil e Javier Rodríguez.

No elenco únse Luis Zahera a Clara Lago e Tamar Novas. Completan o reparto Xosé Antonio Touriñán, Melania Cruz, Miguel de Lira, María Pujalte, Chechu Salgado e Diego Anido.

• Ana – Clara Lago
• Daniel – Tamar Novas
• Luis Zahera
• Xosé Antonio Touriñán
• Chechu Salgado
• Melania Cruz
• Miguel de Lira
• Diego Anido
• María Pujalte

Episodios

1. Despois de catro anos no cárcere, Daniel regresa a Cambados, onde novos rivais ameazan o imperio do seu pai. Ana ten a oportunidade de recuperar a súa vida.
2. Ana regresa a Galicia dende o estranxeiro nunha misión. Daniel reconcíliase co seu afillado. A familia Padín atópase nunha situación desesperada durante o parto que agardaban con impaciencia.
3. Berta debe enfrontarse a un segredo do seu pasado. As sospeitas de Padín medran e Nilo intenta descubrir o delator. Daniel corre un gran risco cando coñece á súa filla.
4. Toño está gañando terreo no clan rival. A policía realiza un arresto. Desesperada, Ana pídelle axuda a Daniel antes de recibir unha chamada do hospital.
5. Aumentan as tensións na loita de poder entre Paco e Padín. Laura intenta axudar a Ana nunha misión perigosa, mentres Toño lidera o clan... coa policía pisándolle os talóns.
6. Marco toma o testemuño e as tensións entre os clans chegan a un punto crítico. Ana considera contalo todo, pero o seu futuro con Daniel depende dunha decisión imposible.