Citroën DS
| Citroën DS | |
|---|---|
 | |
| Marca | Citroën  |
| Fabricante | Peugeot e Citroën |
| País | Francia |
| Período | 1955 ╴1975 |
| Deseño | Flaminio Bertoni |
| Produción | 603.419, 1.330.755 e 1.455.756 |
| Dimensións | |
| Lonxitude | 4.800 mm |
| Peso | 1.270 kg |
| Cronoloxía | |
| [ Commons ] [ Wikidata ] | |
Citroën DS é un coche executivo con motor central dianteiro e tracción dianteira fabricado e comercializado por Citroën entre 1955 e 1975, en fastback/sedán, familiar e con carrozaría convertible, en tres series dunha xeración.
Comercializado cunha variante menos custosa, o Citroën ID, o DS foi coñecido polo seu deseño aerodinámico e futurista da carrozaría; con tecnoloxía pouco ortodoxa, peculiar e innovadora, estableceu novos estándares na calidade da condución, manexo e freada,[1] ámbolos dous foron o primeiro coche de produción en masa equipado con suspensión hidropneumática, así como freos de disco. A Serie 3 de 1967 tamén introduciu os primeiros faros direccionais nun coche producido en serie.
O escultor e deseñador industrial italiano Flaminio Bertoni e o enxeñeiro aeronáutico francés André Lefèbvre deseñaron o coche, e Paul Magès desenvolveu a suspensión autonivelante hidropneumática. Robert Opron deseñou o lavado de cara da Serie 3 de 1967. Citroën fabricou 1.455.746 exemplares en seis países, dos cales 1.330.755 foron fabricados na principal planta de produción de Citroën en París Quai de Javel (agora Quai André-Citroën ).[2]
En combinación coa probada tracción dianteira de Citroën, o DS utilizouse en carreiras competitivas de rallies durante case toda a súa produción de 20 anos, e logrou múltiples vitorias importantes, xa en 1959 e ata 1974. Quedou de terceiro na enquisa do Car of the Century de 1999 que recoñeceu os deseños de automóbiles máis influentes do mundo e foi nomeado o coche máis fermoso de todos os tempos pola revista Classic & Sports Car.[3]
O nome DS e ID son xogos de palabras en francés. "DS" pronúnciase exactamente como déesse, literalmente " deusa", mentres que "ID" pronunciase como idée "idea".
Notas
[editar | editar a fonte]- ↑ "Citroen DS – A car years ahead of its time". retrothing.com. Consultado o 2007.
- ↑ Bellu, René (2005). "Automobilia". Toutes les voitures françaises 1975 72 (24).
- ↑ "1955 Citroen DS – The Most Beautiful Car of All Time". motorcities.com. Arquivado dende o orixinal o 2009. Consultado o 2009.