Circunvalación
| Circunvalación | |||||||||
|---|---|---|---|---|---|---|---|---|---|
| |||||||||
| |||||||||
| |||||||||
| Wikidata C:Commons | |||||||||
En urbanismo, unha estrada de circunvalación, cinto, anel ou ronda é unha estrada, autoestrada ou avenida que circula arredor ou a través dunha cidade, área metropolitana, arrodeándoa totalmente, de xeito que os vehículos que non o precisar non teñan que ingresaren no centro urbano.
Ademais, os vehículos utilizan este tipo de estradas para escoller o acceso ao centro da cidade, ou mesmo para ir dun lugar a outro dunha metrópole. Isto diferénciaos das variantes ou bypasses, que se constrúen especificamente para que unha estrada evite o paso por unha zona urbana.
A deferenza das autoestradas ou viais de acceso, as circunvalacións vertebran as cidades, e permiten aos barrios monofuncionais da periferia teren accesos de primeira orde e ter conexión directa con outras partes da cidade e do territorio.[1][2]
Circunvalacións en Galicia
[editar | editar a fonte]
En Galicia, así coma no resto do estado, as circunvalacións denomínanse co código da cidade do anel e dous números. O primeiro indica o raio do anel con respecto ao centro da cidade, e o segundo é un cero en referencia á forma circular da estrada. Por exemplo, a VG-20 contén o código da cidade de Vigo (VG), e o 2 indica os quilómetros que distan da centro da cidade.
Existen dificultades históricas para establecer estradas de circunvalación en Galicia, especialmente pola complexidade de competencias e propiedades das estradas, que poden pertencer a administracións locais, autonómicas, estatais e mesmo de Deputacións. Moitas circunvalacións están formadas en parte por tramos de autoestradas, como poden ser diversos tramos da Autoestrada AP-9, que de facto é empregada coma circunvalación de cidades coma A Coruña, Santiago, Vilagarcía, Pontevedra ou Vigo, así como a Autovía do Noroeste para A Coruña ou a Autovía das Rías Baixas para Vigo. Unha gran parte destes problemas de organización parten da ausencia de organismos de planificación e xestión a escala metropolitana.[3]
En Galicia podemos atopar as seguintes circunvalacións:
- VG-20, en Vigo.
- V-14, denominada tamén coma ronda do Real Club Deportivo da Coruña ou Terceira Rolda, na Coruña.
- SC-20, estrada multicarril que circunvala polo leste a cidade de Santiago de Compostela.
- PO-10, autoestrada que circunvala a parte sur de Pontevedra.
- LU-021, ou Ronda Leste, en Lugo.
Galería de imaxes
[editar | editar a fonte]
Mapa coas estradas que conforman a circunvalación da cidade do Porto, Portugal.
Acceso da cirvunvalación da VG-20 ou Segundo Cinto coa AP-9, que funciona de facto como Primeiro Cinto de Vigo.
A Ronda Litoral circunvala, xunto coa Ronda de Dalt, a cidade de Barcelona.
.jpg)
,_edifici_Gas_Natural,_al_fons_Hotel_Arts_i_Torre_Mapfre.jpg)
Notas
[editar | editar a fonte]- ↑ Mirallave Izquierdo, Vicente (2001). "Circunvalación y atractores: anverso y reverso de la ciudad.". Cartas Urbanas: 86–93.
- ↑ Sola Morales, I (1992). "Proyectar la periferia.". UR.
- ↑ Rodríguez González, Román (2009). Ordenación y gobernanza de las áreas urbanas gallegas. Netbiblo. p. 174. ISBN 9788497454506.