A Cidade-Mesquita Histórica de Bagerhat é un lugar situado nos arredores de Bagerhat, no distrito de Khulna, no suroeste de Bangladesh. O complexo arquitectónico inclúe 360 mesquitas islámicas, un mausoleo, edificios públicos, rúas, pontes, tanques de auga para o abastecemento e ducias doutras estruturas, que dan fe dunha considerable habilidade técnica. Erixíronse en poucos anos a mediados do século XV por Khan Jean, un xeneral otomán, coñecido como Califato, ás beiras do río Bhairab, e son un dos principais exemplos arquitectónicos da cultura musulmá medieval na rexión anteriormente coñecida como Bengala (actual Bangladesh). Cunha superficie de 50 km², e con varios monumentos deteriorados, principalmente debido ao avance da vexetación, o sitio pódese dividir en 2 localizacións: a zona oeste que inclúe os arredores da Mesquita Shait-Gumbad e a zona leste que rodea o Mausoleo do xeneral Khan Jean.[1][2]
