Christophe Joseph Marie Dabiré

Christophe Joseph Marie Dabiré

Biografía
Nacemento	27 de agosto de 1948 (77 anos) Alto Volta Francés
Primeiro ministro de Burkina Faso
24 de xaneiro de 2019 – 8 de decembro de 2021 (despedimento) ← Paul Kaba Thieba – Lassina Zerbo →
Datos persoais
Educación	Universidade de Lomé Universidade de Bordeos Universidade de Lille
Actividade
Ocupación	economista, político, ministro
Partido político	Congreso pola Democracia e o Progreso

Christophe Joseph Marie Dabiré, nado en 1948, é un político de Burkina Faso que dende o 24 de xaneiro de 2019 é o Primeiro ministro do país. Foi nomeado para o cargo de Primeiro Ministro polo presidente Roch Marc Christian Kaboré trala renuncia de Paul Kaba Thieba e o seu gabinete. O 8 de decembro de 2021, o presidente Roch Marc Christian Kaboré cesou as funcións do seu primeiro ministro Christophe Marie Joseph Dabiré, autor dunha "carta de dimisión", que resultou automaticamente na de todo o goberno.

Dabiré representara anteriormente a Burkina Faso na Unión Económica e Monetaria de África Occidental, e pasou a ser ministro do expresidente Blaise Compaoré.

Dabiré desempeñouse baixo o goberno de Thomas Sankara como Director de Estudos e Proxectos no Ministerio de Economía e Planificación de 1984 a 1988, cando se converteu no Director Xeral de Cooperación no Ministerio de Economía e Planificación. Ocupou este cargo até 1992.

En 1992, Dabiré dirixiu o Departamento de Saúde, até 1997 cando foi responsable do Departamento de Educación Secundaria, Educación Superior e Investigación Científica de Burkina Faso, un cargo que ocuparía até o ano 2000. Durante ese tempo, foi membro da Asemblea Nacional de Burkina Faso como deputado do Congreso pola Democracia e o Progreso. Despois de ser reelixido como parlamentario da Asemblea Nacional en 2002, Dabiré cumpriu outro mandato de cinco anos que expirou en 2007.