Christian Augé
| Biografía | |
|---|---|
| Nacemento | 2 de maio de 1943 Ferryville, Tunisia. |
| Morte | 19 de agosto de 2016 (73 anos) París, Francia. |
| Cargos | |
| Presidente da Sociedade Francesa de Numismática | |
| Período | 1999 – 2001 |
| Antecesor | J. Hiernard |
| Sucesor | Hubert Zehnacker |
| Datos persoais | |
| País de nacionalidade | Francés. |
| Educación | École Normale Supérieure. |
| Actividade | |
| Campo de traballo | Numismática, arqueoloxía, estudos orientais. |
| Ocupación | arqueólogo, numismático  |
| Empregador | Centre national de la recherche scientifique. |
| Membro de | |
Christian Augé, nado en Ferryville, Tunisia, o 2 de maio de 1943 e finado en París o 19 de agosto de 2016, foi un historiador, arqueólogo e numismático francés, que presidiu a Sociedade Francesa de Numismática.
Traxectoria
[editar | editar a fonte]Christian Augé naceu en Ferryville —actual Menzel Bourguiba—, Tunisia, o 2 de marzo de 1943, e cursou os seus estudos de Letras na École normale supérieure de París, onde se graduou en 1963.[1]
Desenvolveu toda a súa carreira no Centro Nacional de Investigación Científica (CNRS), unha institución da que foi director de investigación, responsable do equipo de Oriente Próximo helenístico e romano.[1] O seu interese polas culturas orientais levouno a pasar gran parte da súa vida nesa rexión do mundo. A principios da década de 2000 instalouse en Xordania para dirixir a misión arqueolóxica francesa,[2] dedicada ao santuario no centro de Petra, Qasr el-Bint, e continuou vivindo alí logo da súa xubilación, cando foi nomeado director de investigación honorario do CNRS.[3][4]
Un dos seus traballos máis salientables foi a súa contribución ao Lexicon Iconographicum Mythologiae Classicae (LIMC), para o que escribiu numerosas entradas sobre deidades orientais.[3]
Augé foi tamén un numismático notable, e contribuíu decisivamente á formación de moitos numismáticos no Líbano, en Siria e en Xordania.[4] Como tal, foi membro da Sociedade Francesa de Numismática, e un asiduo colaborador con artigos nas súas publicacións periódicas, todos eles dedicados á numismática de Siria e de Xordania.[3] Entre 1999 e 2001 foi o presidente desta sociedade.[5][6]
Escolma de publicacións
[editar | editar a fonte]Esta é unha escolma dos principais traballos publicados por Christian Augé ao longo da súa traxectoria:[7][8]
Monografía
[editar | editar a fonte]- (2000). Petra: The Rose-Red City: New Horizons (con J. M. Dentzer). Thames and Hudson. ISBN 978-0500300992
Artigos
[editar | editar a fonte]- (1976). "Un nouveau lexique d'iconographie de la mythologie classique" (con L. Ghali-Kahil). En Revue des Études Grecques. 89-424-425. Páxinas 80-82.
- (1986). "Note sur les monnaies de Doura-Europos 1984". En Syria. Archéologie, Art et histoire. 63-1-2. Páxinas 83-84.
- (1997). "Le début des tétradrachmes d'Athènes du "nouveau style" : un trésor trouvé près de Gaziantep en 1994" (con A. Davesne e R. Ergeç). En Anatolia antiqua / Eski Anadolu. 5. Páxinas 44-82.
- (2000). "Les monnaies de Ras Ibn Hani, près de Lattaquié et les guerres de Syrie". En Revue numismatique. 155. Páxinas 59-69.
- (2003). "Rémanences hellénistiques dans les monnayages provinciaux de Syrie et d'Arabie". En Revue Numismatique. 159. Páxinas 75-82.
Notas
[editar | editar a fonte]- 1 2 "Augé, Christian (1943-2016)". IdRef.fr
- ↑ Alpi, F.; Tholbecq, L. (2016). Páxina 412.
- 1 2 3 4 "Décès de Christian Augé, ancien président de la SFN (1943-2016)". Société française de numismatique (Sfnumismatique.fr).
- 1 2 3 Alpi, F.; Tholbecq, L. (2016). Páxina 411.
- ↑ "Les présidents de la SFN". Société française de numismatique (Sfnumismatique.org).
- ↑ "Les présidents de la SFN depuis 1965". En Bulletin de la Société Française de Numismatique. Decembro de 2014. Nº 10. Páxinas 313-314.
- ↑ Linant de Bellefonds, P.; Tholbecq, L. (2017). "Bibliographie de Christian Augé (1943-2016)". En Syria. Archéologie, Art et histoire. 24. Institut Francais du Proche-Orient, Beirut. Páxinas 363-368.
- ↑ "Augé, Christian". Persee.fr
Véxase tamén
[editar | editar a fonte]Bibliografía
[editar | editar a fonte]- Alpi, F.; Tholbecq, L. (2016). "Christian Augé (Ferryville - Menzel Bourguiba, Tunisie, 2 mai 1943 – Paris, 19 août 2016)". En Syria. Archéologie, Art et histoire, 93. Institut Francais du Proche-Orient, Beirut. Páxinas 411-412.
| Predecesor: Jean Hiernard |
Presidente da Sociedade Francesa de Numismática 1999-2001 |
Sucesor: Hubert Zehnacker |
