Chris Bristow

Na Galipedia, a Wikipedia en galego.
Saltar ata a navegación Saltar á procura
Chris Bristow
Carreira na Fórmula 1
Nacionalidade Reino Unido Reino Unido
Anos en activo 2 (19591960)
Escudería(s) Cooper non oficial
Grandes Premios disputados 4
Campionatos 0
Vitorias 0
Podios 0
Pole positions 0
Voltas rápidas 0
Primeiro GP Gran Premio do Reino Unido de 1959
Derradeiro GP Gran Premio de Bélxica de 1960

Christopher William "Chris" Bristow nado o 2 de decembro de 1937 e finado o 19 de xuño de 1960, foi un piloto británico de Fórmula Un. Bristow era fillo do dono dun garaxe de Londres, e estaba solteiro. A Bristow chamábano "wild man of British club racing", o ("home salvaxe do club británico de carreiras"), colisionou en case todos os circuítos nos que correu.[1] Comezou catro carreiras do campionato do mundo da fórmula un e non anotou ningún punto do campionato.

Morreu durante o Gran Premio de Bélxica de 1960 no moi rápido circuíto de Spa-Francorchamps, en condicións cálidas, secas e asolladas. Bristow estrelou o seu Yeoman Credit Racing Cooper T51 na curva de Burnenville na volta vinte mentres loitaba para permanecer diante do Ferrari de Willy Mairesse.

Bristow e Alan Stacey morreron preto e dentro duns minutos o un do outro. Ambos se estrelaron en Burnenville, a mesma curva rápida a man dereita na que Stirling Moss resultara gravemente ferido o día anterior. Os coches pasaban regularmente a curva de Burnenville a 193 kms. por hora. Alí había un terraplén de 1´20 metros e arame de púas no prado a uns 3 metros de distancia da estrada. O Cooper de Bristow golpeou o talude e envorcou. Foi guindado ao arame de púas, que o decapitou e matou ao instante.

Con respecto ao estilo de condución indisciplinado de Bristow, un amigo seu dixo despois do accidente: "Todos sabiamos que isto ía suceder. Non serve de nada dicir algo agora, pero Chris simplemente non tiña a experiencia para pilotar nun Gran Premio".[1]

O gañador do trofeo anual McLaren Autosport BRDC Award para os novos pilotos británicos prometedores tamén se presenta como Trofeo Chris Bristow.

Resultados Completos na Fórmula Un[editar | editar a fonte]

(Chave) As carreiras en letra grosa indican pole position; as carreiras en cursiva indican volta rápida.

ano Equipo Chasis Motor 1 2 3 4 5 6 7 8 9 10 Pos. Puntos
1959 British Racing Partnership Cooper T51 (F2) Borgward 4 en liña MON 500 NED FRA GBR
10
ALE POR ITA USA NC 0
1960 Yeoman Credit Racing Team Cooper T51 Climax 4 en liña ARx MON
Ret
500 NED
Ret
BEL
Ret
FRA GBR POR ITA USA NC 0

Notas[editar | editar a fonte]

  1. 1,0 1,1 2 Rookie Drivers Die In Grand Prix, New York Times, 20 June 1960, p.40.