Este artigo amosa escritos chineses. Sen o soporte axeitado, o texto pode mostrar símbolos sen sentido, coma caixas, marcas e outros.
Prato de chow mein con gambas e polo
O chow mein (炒面, chǎo miàn) é un prato da gastronomía tradicional da rexión chinesa de Cantón, na parte meridional do país, que consiste en fideos feitos con fariña de trigo, verduras, carne e/ou mariscos, normalmente acompañado dun mollo de soia. Tradicionalmente chinés, este prato foi levado á América do Norte polos primeiros inmigrantes procedentes da China nos séculos XIX e comezos do XX. Hoxe é unha especialidade moi común nos Estados Unidos e o Canadá, coma tamén algures onde haxa unha grande diáspora chinesa coma o sueste asiático e a India, así coma na Illa da Reunión, Mauricio e tamén Francia.
