Chimamanda Ngozi Adichie

Chimamanda Ngozi Adichie
Nome completo	Ngozi Grace Adichie
Nacemento	15 de setembro de 1977 e 1977
Lugar de nacemento	Enugu
Nacionalidade	Nixeria
Etnia	Igbos
Relixión	católico
Alma máter	Universidade Yale, Universidade Johns Hopkins, Universidade Drexel, Eastern Connecticut State University e University of Nigeria
Ocupación	escritora, mestra, poeta, novelista, escritora de contos e escritora de non ficción
Coñecida por	Hibisco Roxo, Half of a Yellow Sun e Americanah
Premios	Bolsa MacArthur, Baileys Women's Prize for Fiction, Prêmio Anisfield-Wolf, Heartland Prize, Premio Nonino, OkayAfrica 100 Women, O. Henry Award, 100 Mulleres da BBC, Premio Nonino e Prémio PEN Pinter
Na rede
https://www.chimamanda.com e https://www.chimamanda.com/
[ editar datos en Wikidata ]

Chimamanda Ngozi Adichie, nada en Abba (Enugu) o 15 de setembro de 1977, é unha escritora, novelista e dramaturga feminista nixeriana.. Adichie é o seu apelido, mentres que Chimamanda Ngozi son os seus dous nomes, que significan "o meu deus non caerá" e "bendición", respectivamente, en lingua igbo.

Traxectoria

É a quinta filla do matrimonio de etnia igbo formado por Grace Ifeoma e James Nwoye Adichie. Pasou a súa infancia na cidade de Nsukka, sede da Universidade de Nixeria, nunha casa que anteriormente fora habitada polo escritor Chinua Achebe. A súa nai foi a primeira secretaria de admisións da Universidade de Nixeria, onde o seu pai era profesor de estatística. Aos 19 trasladouse aos Estados Unidos cunha bolsa por dous anos para estudar comunicación e ciencias políticas na Universidade Drexel, Filadelfia. Posteriormente continuou os seus estudos na Universidade Estatal do Leste de Connecticut, na que se graduou en 2001. Realizou así mesmo estudos de escritura creativa na Universidade Johns Hopkins, Baltimore, e un mestrado de estudos africanos en Yale.

Traxectoria literaria

Bandeira de Biafra, co seu medio sol amarelo no centro.

Os temas que trata Adichie na súa obra están relacionados co feminismo, a inmigración e os problemas raciais. A súa obra Todos teriamos que ser feministas , vendeu máis de medio millón de exemplares e en 2017, foi traducida a galego.

En 2003, mentres se atopaba estudando en Connecticut, publicou a súa primeira novela, Purple Hibiscus, con boa acollida da crítica e pola que recibiu o Commonwealth Writer's Prize for Best First Book en 2005. A acción da súa segunda novela, Half of a Yellow Sun (2006, así titulada en referencia ao deseño da bandeira da efémera nación de Biafra), desenvólvese durante a guerra civil nixeriana. A obra, encomiada, entre outros, por Achebe, obtivo o Orange Prize for Fiction en 2007.

En 2009 publicou unha colección de relatos breves, titulada The Thing Around Your Neck. Catro anos máis tarde publicou Americanah, Premio do Círculo de Críticos Nacional do Libro. We Should All Be Feminist é o seu primeiro ensaio. En 2020, informouse que a obra sería convertida en miniserie, coproducida por Lupita Nyong'o e Danai Gurira.

Actualmente vive en Nixeria, onde imparte talleres de escritura creativa, e nos Estados Unidos.

Obra

• For Love of Biafra (drama, 1998)
• Decisions (poesía, 1998)
• You in America (2001)
• O hibisco púrpura (Purple Hibiscus) (2003)
• Half of a Yellow Sun (2006)
• The Thing Around Your Neck (2009)
• Americanah (2013)
• Todos teriamos que ser feministas (We Should All Be Feminist) (2015), versión galega de Moisés Barcia, Sushi Books (2017), 56 páxinas

Véxase tamén

Ligazóns externas

• Sitio web oficial
• Ficha de alumnos da Universidade Yale (en inglés).
• We should all be feminists, charlas TED (en inglés).